ФОТОРЕПОРТАЖЛАР

«ЭкоЯз-2026» Республика конкурсы кысаларында сигезенче атна «Чиста су» девизы астында уза. Төп бурыч-планетада яшәүче һәр кешегә Җирдә тереклекне саклап калу өчен су ресурсларының гаять мөһим булуын искә төшерү. Бүген акциягә Сикертән авылыннан Аглуллиннар гаиләсе дә кушылды. Алар гаилә белән чишмә кырыйларын җыештырдылар, чүп үләннәреннән арындырдылар. Кешенең табигатькә акыллы һәм сакчыл мөнәсәбәте планетабызның гомерен озайтачак. Әгәр безнең һәркайсыбыз суның чисталыгын кайгыртса, бөтен җирдә чиста су күбрәк булачак. Шуңа күрә суга сак карарга өйрәнү бик мөһим.

«Экояз-2026» экологик конкурсының 8 нче атнасы “Чиста су” девизы астында уза.Авылыбыз эчендәге кечкенә елга-күлләрнең кырыйларын, чишмә яннарын чиста тоту һәркемнең бурычы. Орнашбаш балалар бакчасында тәрбияләнүче балалар да тәрбиячеләре белән бергә “Әниләр чишмәсе”н чүптән чистарттылар, «Су һәм аның кеше тормышындагы әһәмияте» турында әңгәмә үткәрделәр.

"Чиста су" кампаниясендә катнашу әйләнә-тирә мөхит өчен дә, җәмгыять өчен дә мөһим. Бу хәтта кечкенә гамәлләрнең дә үзгәрешләргә китерә алуын күрсәтә һәм әйләнә-тирә мөхитне саклау инициативаларында катнашуны алга таба этәрә. "Чиста су" кампаниясе чисталык кына түгел; ул табигый ресурсларны саклау, әйләнә-тирә мөхиткә карата җаваплылыкны арттыру һәм җәмгыятьне уртак максат тирәсендә берләштерү юлында мөһим адым. МБМБУ «Арча шәһәренең гомуми үсеш бирү төрендәге 7 нче номерлы «Балачак» балалар бакчасы» тәрбияләнүчеләре, ата-аналары һәм хезмәткәрләре «ЭкоЯз» - «Чиста су» конкурсы кысаларында яр буйларын, сулыкларны һәм чишмәләрне чистартуны дәвам итәләр. Ата-аналарга актив позицияләре һәм бала өчен күрсәткән матур үрнәкләре өчен рәхмәт белдерәбез! #ЭкоЯз2026

"Экояз-2026" инициативасы кысаларында  Иске Иябаш башлангыч мәктәбенең башлангыч сыйныф укытучысы Закирова Г.Ш. җитәкчелегендә, 2-4 класс укучылары елга ярларын, чишмә яннарын чуп-чардан арындырдылар, тырмаладылар. Жыештырганнан сон су буйлары матур, елгаларда су сафрак, ә чишмәләр үзләренә җәлеп итеп калды.

Табигатьтә чүп җыю әйләнә-тирә мохитне һәм кешеләрнең сәламәтлеген саклауның мөһим аспекты булып тора. Җиргә , суга һәм һавага ташланган калдыклар экосистема һәм кешеләр сәламәтлеге өчен җитди нәтиҗәләргә китерергә мөмкин. "ЭКОяз - 2026" республика конкурсы кысаларында – 8 нче атна - " Чиста су"девизы астында үтә. Шурабаш төп гомуми белем бирү мәктәбенең 5нче сыйныф укучылары сулыкның яр буе территорияләрен чистартуда актив катнаштылар. Бу акция белән балалар ял иткәннән соң, балык тотканнан соң чүп-чарны җыярга кирәклеген аңлаттылар.

Су һәм аның үзенчәлекләре белән таныштыру максаты белән 1нче Г сыйныфында сыйныф җитәкчесе Әхмәтгалимова Р.Ш. 22нче майда «Йөгерек су, чиста су» дигән тәрбия чарасы үткәрде. Бу чара түбәндәге бурычларны үтәде: тәрбияви бурыч: балаларда уңай эмоциналь халәт булдыру; суга сакчыл караш тәрбияләү; экологик тәрбия бирү; үстерү бурычы: тәҗрибә белән кызыксынучанлыкларын, балаларның кабул итүләрен, игътибарын, фикерләвен, диалогик сөйләм телен үстерү, суның тереклек өчен әһәмияте турында аңлату; белем бирү бурычы: гади тәҗрибәләр һәм уеннар аша балаларны су һәм аның үзенчәлекләре белән таныштыру (тәме, төсе, исе, сыеклык). Бу чараны үткәрер алдыннан яз башыннан ук укучылар ата-аналар белән берлектә Арча районы чишмәләрендә булып, тарихлары белән таныштылар һәм чистарту эшләрендә катнаштылар. Сыйныфтан тыш чара рәсем конкурсы белән тәмамланды.

22 нче май көнне, Яңа Кырлай балалар бакчасында тәрбияләнүче Сәләхиева Сәмирә, Кәбиров Ризван үзләренең әти - әниләренә Ия елгасының тирә - ягын чистартырга, тәртипләргә булыштылар.

Безнең педагоглар да бу акциядә актив катнашалар. Бүген Фазылҗанова Л.Н. яр буе зонасын санитар хәлгә китерде. Табигать турында кайгырту -мөһим эш һәм без укытучыларыбызның укучыларыбызга һәм әйләнә-тирәдәгеләргә шундый яхшы үрнәк күрсәтүләре белән горурланабыз!