"Без бергә"
Халык иҗаты өлкәсендә сәләтле балаларны ачыклау, үстерү һәм аларга ярдәм итү, балаларның шәхси уңышларын үстерү, аларны этномәдәни мирас кыйммәтләренә җәлеп итү максатыннан Арча муниципаль районында «Без бергә " Республика балалар сәнгать фестиваленең муниципаль этабы узды.
«Россия сувенирлары» декоратив-гамәли эшләнмәләр күргәзмәсендә халык (һөнәр) мәдәнияте традицияләрендә эшләнгән һәм төрле материаллардан: тукымалар, җепләр, тире, агач, каен, балчык, металлдан эшләнгән эшләр тәкъдим ителде.
«Без бергэ» Фестиваль-конкурсы ике яшь төркемендә (кече һәм урта төркем) һәм түбәндәге номинацияләр буенча үткәрелә: халык вокалы, халык вокаль ансамбле, хореография, инструменталь ансамбль, сәнгатьле уку,мода театры (этнографик костюмнар, заманча костюмнар),театр иҗаты. Шулай ук өстәмә белем бирү педагоглары өчен «иҗади гаилә», «Иҗат баскычлары» фестиваленең махсус номинацияләре дә бар.
Чарада районның утыз алты гомуми белем бирү мәктәбе, Яңа Кенәр сәламәтлек мөмкинлекләре чикләнгән балалар өчен интернат – мәктәбе, «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәге, «Яңа Кенәр балалар иҗат йорты», «Укучылар сарае» укучылары катнашты. Барлыгы 100гә якын номер күрсәтелде. Конкурста катнашучыларның барысы да матур, дәртле чыгышлар әзерләгәннәр.
Муниципаль этап җиңүчеләре 2019 елның 2 апрелендә Теләчедә узачак зона турында катнашырга чакыру алачак.