ЯҢАЛЫКЛАР


11
май 2018 ел.
җомга

9 май – Җиңү көне илебездә иң зур бәйрәм. Еллар үтә, вакыт аяусыз, инде ул җиңүне яулап бирүчеләр сафы да сирәгәя, әмма аларның батырлыгы хәтерләрдә һич тә җуелмый, кадере арта, мәгънәсе тирәнәя генә бара. Бәйрәмнәр алар хәтерләрне яңартып тору өчен дә кирәк.

Кушлавычта тау астында бер чишмә бар. Заманында бик матур булгандыр аның корылмасы: түбәсе челтәрләп эшләнгән ялтыравыклы калай да, такталары да яңа чагында. Йөгерек еллар аның матурлыгын үз артыннан иярткән. Чишмә йортын 1996 елда ук, колхозга Ренат Фәйзиев җитәкчелек иткән вакытта колхоз эшләткән булган икән.

Бөек Җиңүнең 73 еллыгы уңаеннан Яңа Кенәрдә тантаналы митинг үткәрелде. Быел ул 9 майның күркәм традицияләренең берсе булган “Үлемсез полк” акциясе белән башланып китте. Яңа Кенәр урта мәктәбе укытучылары һәм укучылары, Яңа Кенәр интернат мәктәбе укытучылары сугышта һәлак булган якыннары фотосурәтләре төшерелгән транспарантлар күтәреп урам буйлап атлады.

Җиңү бәйрәме алдыннан Арча районы мәктәпләрендә, һөнәри белем бирү уку йортларында Җиңү көненә багышланган митинглар узды.

Өлкәннәр белән аралашканда һәрчак исем-акылым китә – алардан беркайчан да зарлану сүзе ишетмисең, булганга шөкер итеп, бүгенге тормышка сөенеп гомер итә алар. Арчаның Банк урамында яшәүче, быел җәй 95 яшен тутыручы Әлфия апа Җәләлиевага да сокланып утырдым.

Район социаль яклау бүлеге Чернобыль һәлакәте (1986 ел, апрель) калдыкларын җыештыруда катнашкан ир-атларны җыйды. Исән-саулар үзләре килсә, мәрхүмнәрнең әниләре, хатыннары, якын туганнары да килгән иде. Очрашуда район социаль яклау бүлеге җитәкчесе Азат Сөләйманов катнашты.

Казанда узган Юныс Әхмәтҗанов исемендәге Халыкара һөнәри осталык конкурсында студентлар милли ризыкларны әзерләү осталыгы белән уртаклашты. Конкурста Арча агросәнәгать көллиятендә белем алучы Күпербаш кызы Ләйлә Шакирова да катнашты. Төрле төбәкләрдән, хәтта Казахстаннан килгән студентлар, ресторан-ашханәләрдә эшләүчеләр катнашындагы 28 кеше арасында 3 нче урын алуы Ләйлә өчен көтелмәгән уңыш булган.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования Яндекс.Метрика