Шигырь сөючеләр

Шигырь  сөючеләр

Арча  Укучылар  сараенда  Шәүкәт  Галиевның  тууына  90,  Фәнис  Яруллинның  тууына  80  елга  багышланган  “Туган  тел – иң  татлы  тел”  исеме  астында  шигырь  укучылар  район   бәйгесе  үтте.  Бәйгедә  Арчаның  1,2,6,7  мәктәпләре,  5  нче  гимназия,  Иске  Чуриле,  Иске  Ашыт,  Яңа  Кырлай,  Сеҗе,  Курса-почмак,  Апаз,  Лесхоз,  Шушмабаш  мәктәпләре  укучылары  актив  катнашты. Кенәр  интернат-мәктәбендә  тәрбияләнүчеләр  дә  уңышлы  чыгыш  ясадылар. Ике  яшь  төркемендә  барысы  88  укучы  ярышты.  Җиңүчеләр  1,2,3  дәрәҗәдәге  дипломнар  белән  бүләкләнде,  ә  катнашучыларның  барысы  да  сертификатларга  ия  булды.  Шигырь  яратучыларның  күп  булуы,  яттан  сәнгатьле  итеп  сөйләүләрен  күрү  бик  сөенечле булды.

                                                                          Дамир  Таҗиев,

                                                                          жюри  әгъзасы-оештыручы.