«Дәүләт һәм муниципаль хезмәтләр күрсәтүне оештыру турында» 2010 елның 27 июлендәге 210-ФЗ номерлы Федераль законны гамәлгә ашыру максатларында, «Татарстан Республикасы дәүләт хакимиятенең башкарма органнары тарафыннан дәүләт хезмәтләре күрсәтүнең административ регламентларын эшләү һәм раслау тәртибен раслау турында һәм Татарстан Республикасы Министрлар Кабинетының аерым карарларына үзгәрешләр кертү хакында» 2010 елның 2 ноябрендәге 880 номерлы Татарстан Республикасы Министрлар Кабинеты карарына таянып, «Муниципаль хезмәтләр күрсәтүнең административ регламентларын эшләү һәм раслау Тәртибе турында» Башкарма комитетның карары нигезендә Татарстан Республикасы Арча муниципаль районы Башкарма комитеты КАРАР БИРӘ:
- Муниципаль милектәге җирләрдә стационар булмаган сәүдә объектларын урнаштыру турында шартнамә төзү буенча муниципаль хезмәт күрсәтүнең административ регламентын кушымта нигезендә расларга.
- «Муниципаль милектәге җирләрдә аукцион үткәрмичә стационар булмаган сәүдә объектларын урнаштыру турында шартнамә төзү буенча муниципаль хезмәт күрсәтүнең административ регламентын раслау хакында» Арча муниципаль районы Башкарма комитетының 2020 елның 26 ноябрендәге 937 номерлы карарын үз көчен югалткан дип танырга.
- Әлеге карарны Татарстан Республикасы рәсми хокукый мәгълүмат порталында (http:pravo.tatarstan.ru) бастырып чыгарырга һәм Арча муниципаль районы сайтында (arsk.tatarstan.ru) урнаштыру юлы белән халыкка җиткерергә.
- Әлеге карарның үтәлешен тикшереп торуны Татарстан Республикасы Арча муниципаль районы мөлкәт һәм җир мөнәсәбәтләре палатасы җитәкчесенә йөкләргә.
Башкарма комитет җитәкчесе
вазыйфаларын башкаручы И.Ә.Галимуллин