ФОТОРЕПОРТАЖЛАР

Бүген китапханәбездә Казанда яшәп иҗат итүче татар әдәбиятында яңа гына танылып килүче исем – язучы, журналист Фирдәүсә Бикмәтова белән “Онытылмас үткән еллар кала, хәтер кала, җырлар кала, уйлар кала!” дигән әдәби-музыкаль кичә узды. Очрашуга китапханәбезнең иң якын дуслары – китап укучылар, әдәбият, сәнгать дөньясын үз иткән тамашачылар җыелган иде. Очрашу уздыруның төп максаты: Фирдәүсә Бикмәтова иҗаты белән якыннан танышу, иҗат җимешләрен киң җәмәгатьчелеккә таныту, иҗатына кызыксыну уяту. Чарада китапханәче кызларыбыз язучының шигырьләрен яңгыратты. Фирдәүсә ханым үзенең соклангыч иҗаты белән генә түгел, үзенең бик матур итеп җырлавы, киңкырлы шәхес булуы белән сокландырды. Әдәби кичәдә “Каурый каләм” әдәби-иҗат берләшмәсе әгъзалары да катнашты. Иҗатчылар исеменнән үзе дә берничә китап авторы Марсель Шарапов чыгыш ясады, алар Фирдәүсә ханым белән бергә гармун моңнарына кушылып җыр суздылар. Гомумән, әдәби-музыкаль кичә дәртле җырларга, мәгънәле шигырьләргә, кызыклы, тәрбияви әңгәмәләргә бик бай булды. Тамашачы Фирдәүсә Бикмәтова иҗатын бик яратты, рәхәт итеп ял итте. Уздырылган кичә һәр катнашучы күңеленә онытылмас матур хатирә булып кереп калыр, язучы Фирдәүсә Бикмәтова үз укучысын табар дип ышанабыз.

Эко-яз-2026: 4 нче атна. Бу атнаның темасы — «Табигать язмышы безнең кулларда». Әлеге сүзләрнең мәгънәсе тирән: һәрберебезнең көндәлек гамәлләре, табигатькә карашы киләчәк буыннар язмышына турыдан-туры йогынты ясый. Без, олылар, балаларга үрнәк күрсәтеп, әйләнә-тирә мохитне саклауның никадәр әһәмиятле икәнен аңлатырга тиешбез. Бу изге эшкә иң кечкенәләребез дә кушылды. 3 нче сыйныф укучылары — Салихзянова Мәрьям, Закиров Эмиль һәм Юсупов Айзат — «Эко-яз» акциясенең актив катнашучылары булдылар. Алар, кулларына көрәк тотып, агачлар һәм куаклар утырттылар. Аларның җитди кыяфәттә тырышып эшләүләрен күрү — үзе бер горурлык. Алар бит әле кечкенә генә, әмма инде табигатькә карата зур җаваплылык хисе белән янып яшиләр. Мәрьям, Эмиль һәм Айзатка чын күңелдән зур рәхмәтебезне белдерәбез. Сезнең кебек тырыш, табигатьне яратучы, киләчәк турында кайгыртучы яшь буын үсеп килүенә без бик шатбыз. Сезнең бу гамәлегез — кечкенә генә адым кебек тоелса да, ул бик зур мәгънәгә ия. Утырткан һәр үсенте киләчәктә авылыбызны яшелләндерер, саф һава бүлеп чыгарыр, кошларга оя булыр. Без барыбыз да бердәм булып, табигатьне сакласак кына, безнең уртак йортыбыз — Җиребез матур һәм сәламәт булачак. Бергәләп без көчле!

МБМБУ «Арча шәһәренең гомуми үсеш бирү төрендәге 7 нче номерлы «Балачак» балалар бакчасы»нда тәрбияләнүче балалар “Экояз"– "«Табигать язмышы безнең кулларда»" атналыгы кысаларында җимеш агачлары һәм җиләк-җимеш куаклары утырту эшен башлап җибәрделәр. Бүгенге көндә 5 тәрбияләнүче әти – әниләре белән берлектә 7 җимеш агачы һәм 2 җиләк-җимеш куаклары утыртты.

Безнең алмагачларны ничек коткаруыбыз: мәктәп биология практикасыннан тәҗрибә Көз көне без укучылар белән мәктәп яны участогына берничә яшь алмагач утырттык. Язны түземсезлек белән көттек, ничек безнең үсентеләр үсеп китәрләр икән дип. Ләкин кыш безгә күңелсез сюрприз әзерләгән: куяннар кәүсәләрнең кабыгын кимергәннәр, һәм агачлар һәлак булу куркынычы астында калганнар. Кулларны төшерү урынына, без бу хәлне биологиядән практик дәрес итеп кулланырга булдык. Минем җитәкчелектә укучылар җимеш агачларын ялгау нигезләрен өйрәнделәр, тере бөреләре булган сәламәт үсентеләр сайладылар һәм алмагачларны коткару буенча операцияне мөстәкыйль рәвештә башкардылар. Безнең эш этаплары: 1. Әзерлек. Без зарарланган урыннарны чистарттык, коралларны дезинфекцияләдек һәм тере бөреләре булган үсентеләр сайладык. 2. Ялгау. Укучылар үсенте һәм ялгау өчен киселгән урыннарны (подвой) җентекләп кистеләр, аларны тоташтырдылар һәм махсус лента белән ныклап бәйләделәр. 3. Карау. Без ялгау урыннарын бакча балавызы (садовый вар) белән сылап чыктык һәм агачларның хәлен даими тикшереп тордык. Бу тәҗрибә укучылар өчен ботаникадан гади дәрес кенә түгел, ә мәктәпне төзекләндерүгә чын кертем булды. Хәзер без түземсезлек белән нәтиҗәләрне көтәбез: безнең үсентеләр яңа урында тамыр җибәрерме һәм коткарылган алмагачлар беренче уңыш бирерме? Мондый практик дәресләр белемнәрне ныгытып кына калмый, ә җаваплылык, хезмәт сөючәнлек һәм табигатькә мәхәббәт тәрбияли.

"Эко яз- 26" республика күләм конкурсының 3 нче атнасы 15 нче апрель дән 21 нче апрель көннәре аралыгында "Экологик илһам калейдоскопы" исеме астында үтә.Әлеге конкурска безнең балалар бакчасы ташландык калай банкалардан окоп шәмнәре ясап катнашты.Балалар кулланылышка ярамаган материалны дә файдалы әйберләр ясарга сарыф итәргә мөмкин булсын аңладылар.Бу эш беренчедән тирә- ягыбызны чүптән арындыру өчен кечкенә генә бер адым булса,икенче яктан ташландык әйберларне нарсәгә дә булса файдаланырга мөмкин иканлекне аңлата. "Эко яз 26" конкурсының"Экологик илһам калейдоскопы" конкурсына безнең бакчадан Гатиятуллина Сәфинә дә ташландык материалдан шундый матур кул эшләнмәләре ясаган.