ФОТОРЕПОРТАЖЛАР

21 ноябрьдә Салих Сәйдәшев исемендәге Дәүләт Зур Концерт залында ТАТ•АРС•ТАН бәйгеләр хәрәкәте җиңүчеләрен бүләкләү тантанасы узды. Арча балалар сэнгать мэктэбе укучылары «Яшь талантлар» Республика бәйгесе җиңүчеләре - Төхфәтуллин Зилә (гөслә) - 1 дәрәҗә Лауреат, Ризванова Дилбәр (гөслә) - 2 дәрәҗә Лауреат исеменә лаек булдылар. Укытучылары Гарифуллина А.А; «Арча ягы-данлы Тукай ягы» XVII Республика балалар иҗат бәйгесе нәтиҗәләре буенча Мөхәммәдиярова Диана (фортепиано), укытучысы Рәхмәтуллина Э.Ф, Нәзимуллин Самат (вокал), укытучысы Фатыхова А.М. Гран-При яуладылар. Укучыларга дипломнар, сертификатлар һәм истәлекле бүләкләр тапшырылды.

Бүген Арча үзәк китапханәсе "Арча районы ветераннары" төбәкара иҗтимагый оешма вәкилләре өчен модель китапханә буйлап экскурсия программасын тәкъдим иттеләр. Алар белемгә, мәдәнияткә һәм иҗатка юл ача торган уңайлы заллар буйлап сәяхәт иттеләр. Ветераннар бай китап фонды, өр-яңа җиһазлар белән таныша алдылар һәм инновацион технологияләргә салынган заман рухын тойдылар. Без хөрмәтле кунакларыбызга эшебез белән кызыксынулары өчен рәхмәт белдерәбез һәм яңадан китапханәбезгә килергә чакырабыз.

17 нче ноябрь көнне Арча үзәк китапханәсенең уку залында Г. Курсави исемендәге күппрофильле лицей укучылары өчен Халыкара толерантлык көненә багышланган «Мы разные и в этом наше богатство» исемле очрашу-диспут узды. Балалар китапханәче белән бергә толерантлык төшенчәсен, аның нигезләрен һәм кыйммәтләрен өйрәнүгә басым ясадылар. Бүгенге көндә социумда толерантлык ни дәрәҗәдә әһәмияткә ия булуын ачыклар өчен эчтәлекле видеороликлар карадылар. Бу актуаль теманы уртак салып сөйләшүдә берәү дә битараф калмады, һәркем үз фикерен әйтергә, тормыш тәҗрибәсе белән уртаклашырга һәм чын толерант кешенең нинди сыйфатларга ия булырга тиешлеге турында әйтергә теләде. Ә конкурс-уенда катнашу укучыларга бигрәк тә мавыктыргыч һәм тормышчан булды. Чара ахырында барлык катнашучылар бердәм рәвештә гармония һәм бердәмлек символын булдырдылар, узләренең изге матур теләкләрен язып, агач-символга бөркетеп тарихка кертеп калдырдылар.

16 ноябрьдә Казанда «Прорыв» X Республика заманча сәнгать бәйгесе узды. Арча балалар сәнгать мәктәбенең «Тамчылар» бию төркеме ике икенче Лауреат дипломнарына лаек булдылар. Җитәкчеләре Гомәрова Альбина Данис кызы; «Патриотик шигьрият. Соло» номинациясендә театр бүлеге укучылары Фәйзрахманов Нурсултан - 2 нче дәрәҗә Лауреат, Хәсәнова Азалия - 3 нче дәрәҗә Лауреат дипломнарына лаек булдылар. Укытучылары Ахунова Ләйсән Габделәхәт кызы.

Буген Арча үзәк китапханәсендә 13 ноябрь – Халыкара сукырлар көне уңаеннан, Татарстан Республикасының Атказанган матбугат һәм массакүләм мәгълүмат чаралары хезмәткәре, Татарстан Язучылар берлеге әгъзасы, журналист Фирдүс Гыймалтдинов әсәрләре буенча китап укучылар конференциясе узды. Очрашуга күп төрле җанрларда каләме үткен хөрмәтле кунагыбыз Фирдүс Гыймалтдинов, Казан шәһәренең «Сукырлар һәм начар күрүчеләр өчен Шәриф Еникеев исемендәге республика махсус китапханәсе» директоры Идрис Хәертдинов, шушы ук китапханәнең төбәкара хезмәт күрсәтү бүлеге мөдире Әхмәтҗанова Миләүшә кайткан иде. Якташларыбыз Арча районы сукырлар җәмгыяте җитәкчесе Зөфәр Зарипов, Балтач районыннан күрмәүче һәм начар күрүче инвалидлары, киң җәмәгатьчелек китап укучылар, күрү сәләтен югалткан һәм авыр тормыш хәлендә калган райондашларыбыз, Г.Тукай исемендәге Арча педагогия көллияте укучылары һәм укытучылары килде. Конференция башында бу көннең килеп чыгу тарихы турында мәгълүмати видеоролик күрсәтелде, килгән кунакларның чыгышлары тыңланды. Чарада язучы Фирдүс Гыймалтдиновның катнашуы очраклы түгел. Аның иҗатында начар күрүчеләр өчен Брайль шрифты белән бастырылган әсәрләре бар. Конференциядә язучы әсәрләре буенча анализ ясау, фикер алышу тәртибендә барды. Шулай ук китап укучылар тарафыннан язучыга сораулар бирелеп, тулы җаваплар алынды.

Бүген Арча Үзәк китапханәсендә якташыбыз, талантлы яшь язучы, ТР Язучылар берлеге әгъзасы Олеся Феоктистованың «Город Зилантов» дигән яңа чыккан китабын тәкъдим итү кичәсе узды. Әдәби кичәдә автор үз әсәрен язу тарихы белән уртаклашты. Әсәрнең геройлары борынгы риваятьләрдән алынган мифик образлар. Әдәби кичәгә Олеся Феоктистова Казан шәһәрендәге тарихи һәм кызыклы урыннар белән бәйле презентация тәкъдим итте. Презентация нигезендә ул укучыларга тулы һәм бай мәгълүмат бирде, якты образларны уйлап табу серләрен ачты. Арча шәһәренең 6 нчы номерлы урта гомуми белем мәктәбе укучысы Гарифуллина Рафинә төп героиня -Дилия ролен уйнады. Талантлы кызның рольгә кереп, оста итеп уйнавы балаларда әсәрне укуга тагын да кызыксыну уятты. Укучылар китап турында мәгълүматьне тулыландыру өчен авторга үзләренең кызыклы сорауларын биреп, язучыдан әкияти-сихри җаваплар алдылар. Очрашу бик җылы атмосферада узды һәм балаларда китапны уку теләген тудырды.