Эко-яз-2026: 4 нче атна — «Табигать язмышы безнең кулларда» Безнең авылыбызда һәм республикабызда «Эко-яз-2026» акциясе дәвам итә. Быелгы чараларның дүртенче атнасы аеруча истә калырлык булды, чөнки ул «Табигать язмышы безнең кулларда» дигән тирән мәгънәле девиз астында узды. Бу сүзләр — һәрберебезгә мөрәҗәгать, чөнки киләчәк буыннарга чиста һәм яшел планета калдыру — безнең уртак бурычыбыз Бу атнада акциягә бик теләп һәм зур җаваплылык белән яшь буын вәкилләре кушылды. Аларның активлыгы, табигатькә карата сакчыл мөнәсәбәте барыбыз өчен дә үрнәк булып тора. Актив катнашучыларыбыз: Абыйлы-энеле Саляховлар — Булат һәм Ильмир. Алар үзләренең бердәмлеге һәм тырышлыгы белән аерылып торалар. Апалы-сеңелле Сабировалар — Ралинә һәм Гөлия. Кызларның табигатькә карата булган мәхәббәте һәр эштә чагыла. Насретдинов Айрат. Ул да бу изге эштән читтә калмады.