Өчиле төп гомуми белем бирү мәктәбендә 4 нче сыйныф укучылары өчен экология дәресе үткәрелде. Балаларга табигатьне ничек сакларга һәм төсле чүп контейнерларын ничек дөрес кулланырга икәнен аңлаттылар. Укучыларга пластикның төрләре, аның әйләнә-тирә мохиткә зыяны һәм табигатьне чиста тотуда һәр кешенең роле турында сөйләделәр. Моннан тыш, балалар чүп мәйданчыкларында төсле контейнерларның билгеләнеше турында белделәр.