"ЭкоВесна" республика конкурсының соңгы 8 атнасы - "Чиста су"дип исемләнгән. Ул сулыкларны һәм яр буе зоналарын чистартуга багышлана. Бу көннәрдә укучылар елга, күл һәм буа ярларын җыештыру белән шөгыльләнәләр. Су объектлары ярларын чүп-чардан чистарту акциясендә катнашу - мөһим экоинициатива гына түгел, табигатькә һәм су мирасына уңай мөнәсәбәт формалаштыру мөмкинлеге дә ул. Барлык кызыксынучыларны мондый чараларга кушылырга , су объектларының чисталыгын һәм матурлыгын саклауга үз өлешләрен кертергә чакырабыз!