ФОТОРЕПОРТАЖЛАР

«Түбән Аты төп гомуми белем бирү мәктәбе»нең 1-4 нче сыйныф укучылары хезмәт һәм экологик культура тәрбияләү эшендә традицияләрне яңарту, җәмәгатьчелек игътибарын авыл проблемаларын чишүгә җәлеп итү максаты белән өй тирәләрен чүптән арындыру буенча оештырылган өмәләрдә катнаштылар. Өмәнең максаты: туган авылында, туган йортында чисталык өчен укучыларның социаль җаваплылыгын тәрбияләү. Өмәнең бурычлары: өй территориясен табигый һәм көнкүреш чүп-чарыннан чистарту, агач һәм куакларны агарту; белем бирү учреждениесе укучыларын хезмәт эшчәнлегенә, ата-аналарны балалар белән уртак иҗтимагый файдалы эшчәнлеккә җәлеп итү.

«Наласа гомуми үсеш бирү төрендәге «Балачак» балалар бакчасында эшләүче тәрбиячебез, берничә әни белән мастер класс уздырды. Мастер класста ташландык материаллардан, ягъни төсле пакетлардан гөл ясау ысулын өйрәтте. Төсле пакетлардан төрле зурлыктагы, төрле формадагы, төрле төстәге чәчәкләр ясарга була. Күңел җылысы биреп ясаган гөлләребезне якын кешеләребезгә бүләк итеп,төрле бүлмәләрне бизәр өчен кулланырга мөмкин.

«Эко-яз» акциясе кысаларында “Өчиле төп гомуми белем мәктәбе” укучылары мәктәп паркында агач үсентеләре утыртып,су сиптеләр.Һәйкәл тирәсендәге куакларның төпләрен йомшарттылар.

Тирә - юнебезгә яшеллек бирүче, сулар һавабызны чистартучы урманнарны саклау, агачлар утырту барыбызның да уртак бурычы. Һәркем үзе яшәгән җирне матурларга, сакларга тиеш. Безнең Шекә балалар бакчасы да, тирә - юнебезне яшелләндерүгә үзенең өлешен кертте.Балалар бакчасы территориясенә чыршы агачлары утырттык. Яшеллекнең, матурлыкның кадерен белик. Агач-куакларны тәрбияләүгә барыбыз да өлеш кертик.

«Эковесна» акциясе нигезендэ, Орнашбаш балалар бакчасында, «Табигатъне яшеллэнднру остендэ» дип исемлэнгэн агач утырту эше башкарылды. Табигатъка сакчыл караш тэрбиялэу максатыннан куелды.

#ЭКОяз -2021 республика акциясе кысаларында Хәсәншәех төп гомуми белем бирү мәктәбендә «Игелекле капкачлар", "Батарейканы тапшыр-керпене коткар!” исемле акцияләр уза. «Игелекле капкачлар" –экология һәм хәйрия эшчәнлеге белән бәйле проект. Аның максаты – табигатьне чистарту һәм мөмкинлеге чикләнгән балаларга ярдәм итү. "Батарейканы тапшыр – керпене коткар!”. Күп кеше гади батарейканың табигатькә һәм кеше сәламәтлегенә никадәр зыян китергәнен аңлап бетерми. Аларны җыю – безне зыянлы һәм куркыныч матдәләрнең йогынтысыннан коткара. Безнең мәктәп укучылары бу акцияләрдә актив катнаша. Табигатьне саклау – һәрберебезнең изге бурычы.