“Ачык хакимиятнең бердәм системасында җирле үзидарәне оештыруның гомуми принциплары турында” 2025 елның 20 мартындагы 33-ФЗ номерлы Федераль закон, “Дәүләт һәм муниципаль хезмәтләр күрсәтүне оештыру турында” 2010 елның 27 июлендәге 210-ФЗ номерлы Федераль закон, Россия Федерациясе Хөкүмәтенең “2030 елга кадәр Россия Федерациясен социаль-икътисадый үстерү инициативалары исемлеген раслау турында” 2021 елның 6 октябрендәге 2816-р номерлы күрсәтмәсе, “Татарстан Республикасында җирле үзидарә турында” 2004 елның 28 июлендәге 45-З номерлы Татарстан Республикасы Законы, Татарстан Республикасы Министрлар Кабинетының “Татарстан Республикасында клиентлар үзәклеге стандартын кертү буенча чаралар планын (“юл картасын”) раслау турында” 2023 елның 29 сентябрендәге 2160-р номерлы күрсәтмәсе нигезендә, Татарстан Республикасы Арча муниципаль районы җирле үзидарә органнары эшчәнлегеннән канәгатьлек дәрәҗәсендә гражданнардан, юридик затлар вәкилләреннән һәм җирле үзидарә органнары хезмәткәрләреннән (эшчеләреннән) кире элемтә алуны оештыру максатларында Татарстан Республикасы Арча муниципаль районы Башкарма комитеты КАРАР БИРӘ:

1. Татарстан Республикасы Арча муниципаль районы Башкарма комитетында тышкы һәм эчке клиентлардан кире элемтәне җыю һәм анализлауның кушымтада бирелә торган тәртибен расларга.

2. Арча муниципаль районы Башкарма комитетының икътисад бүлеген мәгълүмат җыю, мөрәҗәгатьләрне һәм соратуларны, тышкы һәм эчке клиентларны анализлау буенча җаваплы итеп билгеләргә.

3. Елга кимендә бер мәртәбә тышкы һәм эчке клиентлардан сорашып белешүләр үткәрергә, алынган мәгълүматка анализ ясарга һәм аның нигезендә Татарстан Республикасы Арча муниципаль районы Башкарма комитетының эшчәнлеген камилләштерү һәм клиентлар үзәклеген арттыру буенча тәкъдимнәр әзерләргә.

4. Әлеге карарны Татарстан Республикасының рәсми хокукый мәгълүмат порталында (http://pravo.tatarstan.ru) бастырып чыгарырга һәм Татарстан Республикасы Арча муниципаль районының “Интернет” мәгълүмат-телекоммуникация челтәрендәге рәсми сайтына (http://www.arsk.tatarstan.ru) урнаштырырга.

5. Әлеге карарның үтәлешен тикшереп торуны Татарстан Республикасы Арча муниципаль районы Башкарма комитеты җитәкчесе урынбасары Р. Р. Филлиповка йөкләргә.

Җитәкче Л.И.Абдуллин