Үрнәк алыр ир-егетләр булса, киләчәккә әле өмет бар! 15 нче май – Халыкара Гаилә көнендә, республикакүләм «Авыл яши – Деревня живёт» проекты кысаларында, Арча үзәк китапханәсендә үзмәшгуль бертуган Рамил һәм Раил Мөхетдиновлар белән күркәм очрашу уздырылды. Эшлекле сөйләшүдә Г.Тукай исемендәге Арча педагогика көллиятенең 141нче төркем студентлары һәм укытучылары катнашты. Чарада кунакларыбыз үзләре башкарган эшләр белән якыннан таныштырдылар, үзмәшгуль буларак теркәлеп, эш башларга уйлаган яшьләргә төпле киңәшләрен бирделәр. Авыл җирендә яшәп тә, мул тормыш алып барырга, халкыңа файдалы хезмәт итәргә, шул ук вакытта түгәрәк бәхетле гаилә корып яшәргә бөтен мөмкинлекләр барлыгын Мөхетдиновлар үз үрнәкләре мисалында яшь буынга бик ачык дәлилләп күрсәттеләр.

ЭКОяз 2026: җиденче атна — "Без аерым җыем өчен". Тәрбияләнүчеләр өчен чүп-чарны аерым җыю буенча экологик акция-ул экологик тәрбия һәм традицияләр формалаштыру гына түгел, ә киләчәгебез өчен мөһим адым да. Балалар бакчасында макулатура җыю-бик яхшы инициатива, ул балаларга экологик тәрбия биреп кенә калмый, ә аларга мәхәббәт һәм әйләнә-тирә мохитне саклау өчен җаваплылык хисе дә сеңдерә. Күпербаш балалар бакчасында тәрбияләнүче 13 бала да "Без аерым җыем өчен"акциясендә катнашты Балалар көнкүрештә калдыкларны дөрес сортларга аерып, кәгазь һәм картонны, пыяланы һәм пластмассаны аерым җыеп алсаң, күп нәрсәне экологиягә зыян түгел, ә кешеләргә файдага икенче тапкыр кулланырга мөмкин икәнен, уен форматында чималны ничек дөрес җыярга һәм тапшырырга икәнен белделәр. Бу акция-әйләнә-тирә дөньяга сакчыл караш тәрбияләү юлында кечкенә баскыч. #эковесна2026 #МинекологияРТ #ГодЕдинстваНародов #ГодДоблестиРТ

Безнең зур язгы акциягә иң кечкенә катнашучылар-безнең тәрбияләнүчеләр кушылды. Бу кечкенә, ләкин инде шундый җаваплы эштә балалар әти-әниләре белән макулатура алып килделәр. Аларның күзләрендә — дөньяны яхшырак итү теләге, ә гамәлләрендә — планетабызның киләчәге турында чын-чынлап кайгырту . Безнең тәрбияләнүчеләргә һәм аларның әти-әниләренә битараф булмаганнары һәм барыбыз өчен дә үрнәк күрсәткәннәре өчен рәхмәт. Иң кечкенә өлештә-чисталыкка һәм гармониягә зур адым бит.

Арча шәһәренең 11нче номерлы балалар бакчасы “Эковесна – 2026” экологик акциясенең 7нче атнасына кушылдылар. Группаларда макулатура җыю буенча эш башланды: балалар әти-әниләре белән бергә иске китаплар, журналлар, кәгазь алып килделәр.Балалар хәзер 100 кг кәгазьнең бер агачны коткаруын белделәр. Һәрбер җыелган кәгазь бите – табигатькә карата игътибарны күрсәтә. Барлыгы 45 бала катнашты. Әлеге акциядә катнашкан әти-әниләргә дә зур рәхмәт!