“Объективта традицияләр яктысы” Арча үзәк китапханәсенең өлкәннәргә хезмәт күрсәтү бүлеге хезмәткәре Тимур Круговой Татарстан Республикасы Мәдәният министрлыгы тарафыннан дәүләт программасын гамәлгә ашыру кысаларында «Татар халкының милли үзенчәлеген саклап калу» максатыннан уздырылган «Татар халкының этнографик мозаикасы» фотоконкурсында катнашып җиңүгә иреште. Аның «Казан җөе: Традицион һөнәр» фотолар сериясе жюрины халкыбыз мәдәниятенә булган тирән, сәнгатьчә һәм сакчыл мөнәсәбәте белән әсир итте. Хезмәттәшебезгә алга таба да иҗади уңышлар, яңа җиңүләр телибез!

Тәтеш шәһәрендә узган «ТВОРЧЕСКИЙ ТАНДЕМ» Республика ансамбль башкаручылары бәйгесе җиңүчеләрен котлыйбыз. Инструменталь башкару номинациясендә Арча балалар сәнгать мәктәбенең халык уен кораллары оркестры Гран-При яулады (җитәкчесе Фәхретдинова А.Л.). Арча балалар сәнгать мәктәбе укучылары Инструменталь дуэт Аминова Аделина, Аминова Руфина — 1 дәрәҗә Лауреат дипломы (укытучы Асанова В.М.); Инструменталь дуэт Тухфатуллина Зиля, Ризванова Дильбар — 1 дәрәҗә Лауреат дипломы (укытучы Гарифуллина А.А.); Инструменталь дуэт укытучы-укучы Хасанова Зимфира Фаридовна, Габдрахманова Ралина — 1 дәрәҗә Лауреат дипломы (укытучы Хасанова З.Ф.).