#Экояз2026 конкурсының алтынчы атнасы дәвам итә. 5 сыйныф укучылары Сөләйман Минһаҗев һәм Камил Мөгыйнов «Безнең геройлар яныбызда яши» акциясенә теләп кушылдылар. Балалар һәйкәлләрне төзекләндерү белән шөгыльләнделәр һәм хезмәт ветераннарының йорт яны территорияләрен яхшыртырга булыштылар: коры яфракларны җыйдылар, юлларны себерделәр һәм чәчәк түтәлләрен төзекләндерделәр.  Укучылар, үткән тарихыңны онытмау һәм үзләрен күп еллар  ил файдасына хезмәт иткән кешеләрне кайгырту — гомуми файдалы кирәкле эшкә кечкенә генә үз өлешеңне кертү  дип саныйлар.

«Экояз» экологик акциясе кысаларында Урта Курса төп гомуми белем бирү мәктәбе укучылары актив гражданлык позициясе күрсәттеләр һәм обелиск тирәсендәге территорияне җыештыруда катнаштылар. Егетләрнең бердәм командасы энтузиазм белән эшкә тотынды: чүп-чарны җыештырды, коры яфраклардан һәм ботаклардан территорияне чистартты, чәчәк түтәлләрен һәм юлларны тәртипкә китерде. Катнашучылар обелискның үзенә аерым игътибар бирделәр – аның өслеген тузаннан пөхтә итеп чистарттылар, конструкция элементларын һәм мемориаль такталарны тәртипкә китерделәр. Балалар тырышлыгы белән монумент яңадан үзенең беренчел кыяфәтендә балкыды. Обелиск – ул һәйкәл генә түгел, ә ата-бабалар батырлыгына Хәтер һәм хөрмәт символы. Укучылар аның тирәсендәге территорияне һәм корылманың үзен карау – тарихи хәтерне саклауга һәм туган авылын төзекләндерүгә мөһим өлеш кертү икәнен аңлыйлар. Акциядә катнашу балаларга команда рухын ныгытырга, уртак эш өчен җаваплылыкны үстерергә, экологик культураны формалаштырырга һәм тагын бер тапкыр яратуларын тоярга ярдәм итте

 Мөндеш балалар бакчасының зурлар төркеме балалары үзләрен табигатьнең чын хуҗалары итеп хис иттеләр. Яхшы кәефтә, матур һава торышында , тәрбиячеләрнең сизгер җитәкчелеге астында тәрбияләнүчеләр Бөек Ватан сугышында катнашкан каһарманнарга куелган һәйкәл янында чистарту, тәртипләү эшләрендә булыштылар. Хәзер балалар тарафыннан җыелган территорияне чүпләү өчен кул күтәрелмәячәк. Саф һавада башкарылган хезмәт балаларны берләштереп кенә калмады, ә табигатьне сакларга да өйрәтте. Чарада 21 кеше катнашты. #ЭКОЯЗ2026

“Хәтер ташта түгел, ә безнең гамәлләрдә" Арчаның 5нче балалар бакчасында тәрбияләнүчеләр ЭКОяз республикакүләм бәйгесенең 6нчы атнасына да актив керештеләр. Бу атна экология турында кайгырту белән бергә тагын бер мөһим бурыч — тарихи хәтерне саклау белән берләшә. Балалар әти-әниләре белән берлектә Бөек Ватан сугышы геройлары һәйкәлләрен чистартуга һәм төзекләндерүгә үз өлешләрен кертәләр. Һәйкәл янындагы территорияне чистарту ул - өмә түгел. Бу рәхмәт ишарәсе. Балалар аңлый:”Без монда тәртип урнаштырабыз, чөнки хәтерлибез һәм хөрмәтлибез". Ата-аналар һәм балаларның иңгә-иң куеп эшләвенә карап, киләчәккә дөрес юл салына. Патриотик хис гаиләдән һәм уртак йорттан башлана.