Арча шәһәре 11нче номерлы балалар бакчасында «Эковесна 2026» акциясенең 6 нчы атнасы «Безнең Геройлар янәшәдә» исеме астында үтте. Быел игътибар Бөек Ватан сугышы ветераннарына, хезмәт ветераннарына һәм махсус хәрби операциядә катнашучыларга юнәлтелгән. Атнаның бурычы — геройларыбыз яшәгән территорияләрне төзекләндерү һәм чистарту. Балалар тәрбиячеләр һәм әти-әниләр белән бергә ветераннарның ишегалларын җыештырдылар, чәчәкләр утырттылар, мәйданчыкларны бизәделәр. Шулай итеп ветераннарның тормышын уңайлырак һәм ямьлерәк иттеләр. Бу — табигатькә карата сакчыл мөнәсәбәт тәрбияләү белән бер рәттән, ветераннарыбызга карата хөрмәт һәм рәхмәт билгесе. «Безнең Геройлар янәшәдә яши!» — аларга ярдәм итү һәм игътибар күрсәтү — һәр баланың изге бурычы.

Һәйкәлләрне төзекләндерү - киләчәккә өлеш кертү. Мемориаллар турында кайгырту ул бүгенге көндә безгә баш өстендә тыныч күк бүләк итүчеләргә «рәхмәт» әйтү ысулы. 8 нче май көнне Яңа Кырлай балалар бакчасында тәрбияләнүче балалар Яңа Кырлай авылында Бөек Ватан сугышы каһарманнарына куелган һәйкәлнең тирә - юнен чистарту, җыештыру эшләрендә булыштылар.

Тыл ветераныбыз Асия апаны бәйрәм белән котладык. Бөек Ватан сугышы вакытында, яшь чагында ул тылда хезмәт итә, фронт файдасына һәм Җиңү хакына авыр хезмәтләр башкара. Аңа исәнлек-саулык, тыныч көннәр телибез!

Бүген Яңа Кишет балалар бакчасына коллективы “ ҖиңүАрча2026” акциясендә катнаштылар.