ФОТОРЕПОРТАЖЛАР

Бүген Арча районы мәктәпләрендә һәм балалар бакчаларында көн гадәти булмаган төстә башланды. Иртәдән алар «Иртәнге подзарядка» район онлайн флешмобына кушылды. Әлеге спорт акциясе белән Арча районында ел саен 7 апрельдә үткәрелә торган Бөтендөнья сәламәтлек көнен билгеләп утелде. Арча шәһәре стадионында профессиональ фитнес-тренер Королькова Марзия Марсиловна зарядка үткәрде, анда районның 100 баласы катнашты. Зарядкага шулай ук Арча шәһәренең үзәк мәйданында җыелган 50 бала да кушылды.

Бүген Арчанын 6 нчы номерлы урта мәктәбендә Татарстан Республикасы Дәүләт Советы Депутаты Марат Готыфович Әхмәтов, Арча муниципаль районы башлыгы Илшат Габделфәртович Нуриев белән очрашу оештырылды. Марат Готыфович Арча районы мәктәпләрендә укыту-тәрбия эшенең торышы белән танышты. Мәктәп укучылары, укытучылар коллективының олимпиада, конкурс, фәнни-гамәли конференцияләр, фестиваль, бәйгеләрдә ирешкән казанышларына уңай бәя бирде. М.Г.Әхмәтов мәктәпкә интерактив такта һәм укучыларыбызга истәлекле бүләкләр дә тапшырды.

«Укучылар сарае» базасында белем бирү учреждениеләре укучылары арасында спорт туризмы (Залинг) буенча Арча муниципаль районының ачык беренчелеге булып узды. Ярышларда Кукмара муниципаль районы, Балтач муниципаль районы, Яшел Үзән муниципаль районы һәм Арча муниципаль районы туристлары катнашты. Ярышларда барлыгы 64 кеше катнашты.