ФОТОРЕПОРТАЖЛАР

Утар-Аты авыл җирлегендә борщевик үләненә каршы көрәш бара.

Район мәдәният йортында Арча районы мәгариф хезмәткәрләренең август киңәшмәсе булып узды. Әлеге чарада район башлыгы Нуриев И.Г., Республика олимпиада үзәге директоры Исламова Г.И. катнаштылар.

Арча Укучылар Сарае командасы «Спорт туризмы-яшьләрне сайлавы" проектын тормышка ашыруны дәвам итә. Проект «Энергия добра» конкурсында җиңүче булды "Татнефть" хәйрия фондының грант ярдәме хисабына тормышка ашырылачак. "Спорт туризмы-яшьләрне сайлавы" проекты кысаларында балалар һәм яшьләр өчен җәяүлеләр дистанцияләрендә спорт туризмы тактикасы, туристик походлар һәм юнәлеш буенча массакүләм чаралар үткәрү өчен кирәк-яраклар сатып алынды. Авыл яшьләрен сәламәт яшәү рәвешенә җәлеп итү максатыннан сентябрьдән майга кадәр мастер-класслар, бер көнлек дәресләр, ярышлар һәм туристик слетлар оештырылачак. Чараларны оештыруда катнашуга шулай ук яшьләр сәясәте өлкәсенең җирлек белгечләре, Идел буе дәүләт физик культура, спорт һәм туризм университеты студентлары да җәлеп ителәчәк.

Арча Укучылар сарае «РОБОАРСК» проектын тормышка ашыра башлый. Проект Татнефть хәйрия фондының грантына ия булды. “РОБОАРСК» Арча муниципаль районының авыл җирлегендә яшәүче балаларга ярдәм итү, аларның сәләтләрен һәм техник күнекмәләрен үстерүгә юнәлдерелгән. Проект кысаларында Арча районының дүрт авыл мәктәбе укучылары өчен 2022 елның сентябреннән алып 2023 елның апреленә кадәр мастер-класслар үткәрү планлаштырыла. Проектны тормышка ашыру барышында балалар легороботларны җыю һәм программалаштыру буенча 8 сәгатьлек кыска сроклы программаны үзләштерәчәкләр. Шулай ук 2 ярыш оештырылачак, анда проектта катнашучылар һәм барлык теләүчеләр дә катнаша ала.

Арча укучылар Сарае «Мин Арча баласы» проектын тормышка ашыруны дәвам итә. Проект Россия яшьләре грантына ия булды. "Ми-Арча баласы" балалар һәм яшьләрне Арча төбәгенең тарихын өйрәнүгә, саклауга җәлеп итүгә юнәлдерелгән. Бу сезонда Арча районының тарихы һәм истәлекле урыннары турында тагын 20 видеоролик булдырырга планлаштырыла. Видеороликлар «Мин Арча баласы» ютуб каналына урнаштырылачак. Шулай ук ел дәвамында 8 конкурс чарасы да планга кертелде: «Киләчәк» иҗади проектлар конкурсы, «Мин бит Арча ягыннан» җыр конкурсы, «Нәрсә? Кайда? Кайчан" интеллектуаль уены, "Мин Арчаны беләм" квест-уены, "Мин Арчаны яратам" фотографияләр конкурсы, асфальтта рәсем конкурсы, "Мин Арча баласы"балалар фестивале. Проектта үз Ватанының тарихын мәңгеләштерергә теләгән һәркем катнаша ала.

10 августтан Арча районында “Мәктәпкә җыенырга ярдәм ит!” хәйрия акциясе башланып китте. Әлеге акция кысаларында инвалид балаларга, аз керемле һәм күп балалы, имин булмаган гаиләләрдә яшәүче 195 беренче сыйныфка баручы балага мәктәп кирәк-ярагы тутырылган портфельләр тапшырыла.

Арча укучылар Сарае тагын ике проекты грант отты. Яшьләр инициативаларының Бөтенроссия грант конкурсына йомгак ясалды. Арча Укучылар Сараеның ике проекты грантка ия булды: «Мин Арча баласы» проекты-40000 сум, «Спортивное ориентирование-выбор молодых» проекты-490000 сум. Безнең командага ышаныч белдергән очен өчен рәхмәт. Бик тиздән без әлеге проектларны тормышка ашыра башлаячакбыз.

Мин Арча баласы. Арча районы балалары һәм яшьләре үзләренең туган якларының истәлекле урыннары һәм тарихы турында хикәяләрен нәкъ шулай дип башлыйлар. Проект инде өченче ел гамәлгә ашырыла. Өченче сезонда «Үзәк» территориаль иҗтимагый үзидарәсе аша проект конкурста катнашты һәм Татарстан Республикасы министрлар кабинеты грантына ия булып, 257397 сумлык җиһазлар сатып алынды. Өченче сезонда Арча районы балалары һәм яшьләре тарафыннан Арча районы тарихы турында 15 видеоролик төшерелде. Грант ярдәме белән сатып алынган җиһазлар Арчаның истәлекле урыннары һәм авыллары турында видеоязмаларны сыйфатлы итеп төшерү мөмкинлеге тудырды. Барлык видеороликлар да «Мин Арча баласы» ютубы каналында урнаштырылды, шулай ук Арча шәһәренең урам мультимедиа экраннарында күрсәтелде.