Ата-аналар һәм сыйныф җитәкчеләре өчен педагогик фәннәр кандидаты В. А. Дергунов, Татарстан Республикасы иҗтимагый палатасы әгъзасы Н. Л. Реснянская, мәгариф идарәсе башлыгы Р. Д. Мухамадияров катнашында "Гаиләгә тере аралашуны ничек кире кайтарырга" дигән темага семинар узды.

Арча балалар сәнгать мәктәбенең халык уен кораллары бүлеге укучылары Хафизов Илназ (җитәкчесе Фәхретдинов Н.Р.), Хәлиуллин Булат( җит. Гайнуллин Б.М.) Менделеевск шәһәрендә узган "Шире круг" IV Төбәкара фестиваль-бәйгесендә уңышлы чыгыш ясап III дәрәҗә лауреат, халык уен кораллары оркестры (җитәкчеләре Фәхретдинов Н.Р., Фәхретдинова А.Л.) II дәрәҗә лауреат дипломнарына лаек булдылар.

Д.Г. Хәкимов исемендәге Түбән Мәтәскә урта гомуми белем мәктәбендә “Ел укытучысы – 2022” һөнәри осталык конкурсының муниципаль этабы үткәрелде. Татар мәктәпләре арасында 7 укытучы финалга сайлап алынган иде. Алар өч төрле – “Ел укытучысы - 2022”, “Иң яхшы татар теле укытучысы”, “Педагогик дебют” номинацияләрендә көч сынаштылар. Конкурста Кәче төп гомуми белем мәктәбенең татар теле һәм әдәбияты укытучысы Закирова Фәнүзә Рафаэль кызы, шул ук мәктәпнең география укытучысы Гарәпшин Рәдиф Миннехан улы, Утар - Аты төп гомуми белем мәктәбенең җәмгыять белеме укытучысы Сабиров Илнар Ильяс улы, Носы төп гомуми белем мәктәбенең татар теле һәм әдәбияты укытучысы Мостафина Гөлүзә Бари кызы, Яңа Кишет төп гомуми белем мәктәбенең технология укытучысы Сәләхиева Миләүшә Радик кызы, Д.Г. Хәкимов исемендәге Түбән Мәтәскә урта гомуми белем мәктәбенең рус теле һәм әдәбияты укытучысы Төхбәтуллина Ләйсән Хөрмәтулла кызы һәм математика укытучысы Шаһидуллина Гөлгенә Рүзәл кызы катнашты. Алар, заман технологияләрен кулланып, дәресләр һәм мастер-класслар үткәрделәр. Укытучыларның һөнәри осталыгын Арча муниципаль районы “Мәгариф идарәсе” муниципаль учреждениясе методистлары Хәкимов Айнур Әнвәр улы, Глазкова Ирина Борис кызы, Сафиуллин Илшат Рашат улы, Гыйбадуллин Илназ Зөфәр улы, Мостафина Энҗе Габдулатҗан кызы бәяләде. Алар укытучыларның дәресләре югары дәрәҗәдә булуын билгеләп үттеләр.