Эш бирүчеләр закон таләбен үтәргә тиеш

Эш бирүчеләр закон таләбен үтәргә тиеш
“Россия Федерациясендә халыкның мәшгульлеге турында” РФ Законының 25нче маддәсе нигезендә эш бирүче ай саен мәшгульлек хезмәте органнарына буш хезмәт урыннары, инвалидларны эшкә кабул итү өчен квотаның үтәлеше турында мәгълүмат бирергә тиеш. Бу гражданнарның Мәшгульлек үзәгенә мөрәҗәгать иткәндә кыска срокларда эшкә урнаша алулары өчен эшләнә.
Тикшерү нәтиҗәләре буенча кайбер эш бирүчеләрнең Федераль закон таләпләрен бозу очраклары ачыкланды. Аерым алганда, эш урыннары булса да, район Мәшгульлек үзәгенә мондый мәгълүмат җибәрелми.
РФ Административ хокук бозулар турында кодексның 19.7нче маддәсе нигезендә дәүләт органына мәгълүмат тапшырылмаган очракта кисәтү ясала яки гражданнарга 100дән 300 сумга кадәр; вазифаи затларга 300дән 500 сумга кадәр һәм юридик затларга 3000нән 5000 сумга кадәр штраф салына.
Шуны да әйтеп үтү мөһим: әлеге категория административ эш кузгатуга прокуратура органнары хокуклы.
Шулай итеп 2012 елның узган чорына район прокуратурасы эш урыннары булу турында мәшгульлек хезмәте органнарына мәгълүмат бирмәгән өчен 9 эш бирүчегә карата РФ Административ хокук бозулар турында кодексның 19.7нче маддәсе буенча эш кузгаткан иде.
Хәзерге вакытта 5 административ эшне суд карады һәм канәгатьләндерде. Барлык гаеплеләр административ штрафка тартылды.
А.ШӘЙХЕТДИНОВ,
район прокурорының өлкән ярдәмчесе