Яңалыклар

“ВАМИН–АРЧА” ширкәтеннән Данил Гаффаров “МТЗ–82” тракторы белән — 322, “Кырлай” ширкәтеннән Алмаз Шәйхетдинов “МТЗ–80” тракторы белән — 250, “Северный” хуҗалыгыннан Рафис Шәйхетдинов “МТЗ–826” тракторы белән 240 тонна печән пресслады.

“ИГЕНЧЕ” ширкәтеннән Хәлим Вильданов “Челенджер” үзйөрешле чапкычы белән — 650, “Ак Барс–агро” ширкәтеннән Ринат Котдусов “Макдон” үзйөрешле чапкычы белән 530 гектарда күпьеллык үләннәр урдырды.

“КЫРЛАЙ” ширкәтеннән Равил Минһаҗев, “Игенче” ширкәтеннән Илнур Хәсәнов, “Ак Барс–агро” ширкәтеннән Илһам Әгъләмов “Ягуар” азык әзерләү комбайннары белән 1670–1260 тонна яшел масса туратып урдырдылар.


Табигатьтә иң матур чор, бөтен дөнья чәчәккә күмелгән. Иң тырыш бөҗәкләр — бал кортлары да эшкә чумган, алар иртә таңнан караңгыга кадәр нектар ташый. Хуҗалыклар җитәкчеләре, иң беренче чиратта агрономнар, шатланырга тиеш: умарта кортлары эшләгән басуларда уңыш әйбәт булачак!
Чит илләрдә умартачыларга уңышны арттыруга өлеш керткәннәре өчен акча түлиләр. Безнең умартачылар монысына ук өметләнми инде, әмма аларның ел саен ялынып дип әйтә торган үтенечләре бар — кортларны агуламагыз!
Кызганыч, бар җирдә дә бу үтенечне ишетмиләр әле. Алай гына да түгел, гербицидлар, препаратлар белән эшләү таләбе үтәлми, эшкәртү вакыты бозыла, бу турыда умартачыларга алдан хәбәр ителми.
Килгән зыянны закон нигезендә эзләтеп алып булуы турында агрономнарның тагын бер тапкыр исләренә төшерәсе килә.