Новости

Новости
30 майдан 30 октябрьгә кадәр “Мәк — 2012” операциясе үткәрелә. Аның барышында составында наркотик матдәләр булган үсемлекләр үстерү белән шөгыльләнүчеләрне ачыклауга зур игътибар бирелә. Әгәр мондый фактлар турында нәрсә дә булса белсәгез, район эчке эшләр бүлегенә 3–12–02 номерына шалтыратып хәбәр итегез.

“Сикертән авылына кунакка кайткач, мәдәният йортына укучылар тарафыннан оештырылган концерт карарга бардык. Концерт Сикертән авылы мәдәният йорты директоры Равия Минһаҗева җитәкчелегендәге бию түгәрәгенең хисап тотуы иде. Ике сәгать буе сигез кыздан торган бию төркеме татар, башкорт, рус, украин, мари, заманча һ.б. биюләрне искиткеч итеп башкардылар. Алар ял иткән арада балалар бакчасына йөрүче 2 кызчык тамашачыларга матур җырлар бүләк итте. Концерт ахырында Равия ханым, инде яшь кеше булмавына карамастан, кызлар кебек сәхнәгә биеп чыкты һәм коллектив белән йомгаклау биюен башкардылар.
Вакыты белән исәпләшми, бар көчен куеп балаларга милли биюләрне зур осталык белән өйрәткәне, югары дәрәҗәгә җиткереп тамашачыга күрсәтә алганы өчен Равия ханым ихтирамга, мактауга лаек.
Киләчәктә хезмәте зур уңышлар китерсен”, — дип хәбәр итте безгә Арчадан Гөлфәмә Зарипова.

“Безнең өчен һәр ел — хәйрия елы. Ел дәвамында мәктәбебездә “Йөрәгеңне изгелек белән тутыр” акциясе эшләп килә. Яңа Кенәр интернат мәктәбе балаларына, социаль хезмәт күрсәтү үзәгенә кием–салымнар, язу әсбаплары җыеп тапшырып, аз керемле гаиләләргә ярдәм итәбез. Тернәкләндерү үзәгендә дәваланучы балалар янына, шәһәребездәге өлкәннәр йортына төрле уеннар, концерт программалары әзерләп барабыз. Бу эшләрне башкарырга мәктәбебездә оешкан югары сыйныф укучылары советы һәм дружина советына йөрүчеләр ярдәм итә. Ә оешмалар белән педагог–оештыручы Нурания Сираҗиева җитәкчелек итә. Совет утырышында без еш кына бер–береңә карата миһербанлы, игътибарлы булу, игелек һәм яхшылык кылып яшәү турында сөйләшәбез”, — дип яза Арчаның 1нче мәктәбеннән Булат Гыймадиев.

Тәртип яхшырачак
Бу елның 1 декабреннән Россия Корал¬лы көчләр сос-тавында хәрби полиция ор¬ганнары булдырылачак. Бу хакта Генштаб башлыгы Николай Макаров белдерде. Аның сүзләренчә, хәрби полициянең го¬муми саны 20 меңне тәшкил итәчәк, полициянең баш идарәсе Россиянең Обо¬рона министрлыгына буйсыначак. Хәрби полиция башкарачак вазыйфаларның берсе — армиядә “дедовщина”га каршы көрәш. Шулай ук алар хәрби милекне дә саклаячак.

Стипендияләр арта
“Дүртле-бишле”гә укучы студентлар¬ның стипендиясе артачак. Россия Премьер-министры Дмитрий Медведев шул хактагы указны имзалаган. Дөрес, әлеге яңалык аз керемле гаиләләрдә тәрбияләнүче студентларга гына кагы¬ла. Киләсе уку елында аларның айлык стипендияләре 5 мең сумнан 6 мең 300 сумга кадәр артачак. “Сумма фантастик түгел анысы, ләкин түләүләр арттырыла”, — дигән бу хакта Дмитрий Медведев. Моңа кадәр охшаш карар аспирантлар өчен дә кабул ителгән иде. Гомумән ал¬ганда, яшь галимнәрнең стипендиясе 20 мең сумны тәшкил итәчәк. Быел әлеге максатларга 135 миллион сум акча бүлеп бирелгән, киләсе елны әлеге сумма 255 миллион сумга кадәр артыр, дип көтелә.