Яңалыклар

Яңалыклар

ЗАГС мәгълүматларына килгәндә, 2012 елның алты аенда районда 133 пар никахларын рәсмиләш-тергән, аерылышучылар саны – 66. Туучылар саны 313 булса, 334 кеше бакыйлыкка күчкән.

Арча һәм Әтнә районнары буенча Пенсия фонды идарәсе җитәкчесе Р.Нурмөхәммәтова икенче һәм аннан да күбрәк бала тапкан биш гаиләгә ана капиталына сертификат тапшырды.

Районда эшмәкәрлекне үстерүгә керткән өлеше өчен һәм 50 яшь тулу уңаеннан шәхси эшмәкәр, Арча муниципаль районы эшмәкәрләр советы рәисе Әмиров Алимас Габделбәр улы район Советының Мактау грамотасы белән бүләкләнде.

Күпьеллык нәтиҗәле хезмәте, республиканың ветеринария ягыннан иминлеген тәэмин итүгә зур өлеш кертүе өчен “Арча район дәүләт ветеринария бер-ләшмәсе” дәүләт учреждениесенең ветеринария табибы–эпизоотологы Шәрәфиев Мөхәммәт Мифтах улына “Татарстан Республикасының атказанган ветеринария табибы” дигән мактаулы исем бирелде.

Мәдәният һәм сәнгать өлкәсендә озак еллар нәтиҗәле хезмәте өчен һәм 50 яшь тулу уңаеннан Арча балалар сәнгать мәктәбе музыка бүлекчәсе укытучысы Галиева Кадерия Фоат кызы муниципаль район башлыгының Рәхмәт хаты белән бүләкләнде.

“ЙӨРӘКТӘН ЙӨРӘККӘ” хәйрия фондына “Касыйм” ширкәте — 15000, Яңа Кырлай авыл җирлеге — 2247, Сеҗе авыл җирлеге 1500 сум күчерде.

12 ИЮЛЬГӘ район хуҗалыкларында көзге чәчү өчен 3247 гектар җир әзерләнде. Әлегә бу эш белән “Вамин–Арча”, “Вамин–Мәрҗани”, “Ватан”, “Курса МТСы”, “Татарстан” хуҗалыклары гына шөгыльләнә.

РАЙОН БУЕНЧА бер шартлы терлеккә 10,56 центнер азык берәмлеге әзерләнде. Иң күбе “Курса МТСы”нда – 23,27 цент-нер, иң әзе “Акчишмә”дә – 4,34 центнер.

БАРЫСЫ 76225 тонна сенаж салынды. “Вамин–Мәрҗани” ширкәтендә – 14099, “Ак Барс–агро”да 10182 тонна сенаж бар.

11 ИЮЛЬДӘ бер сыердан уртача 14,4 килограмм сөт савылды. Бу узган елның шул көнендәгедән 0,7 килограммга артык.



«02» хәбәр итә
2012 елның 8 июлендә 21 сәгать тирәсендә Югары Аты авылы янындагы урман полосасында көч кулланып үтерү билгеләре булган кыз мәете табылды. Әлеге факт буенча җинаять эше кузгатылды. Оператив тикшерү чаралары үткәрү барышында әлеге кызның Олы Әтнә авылында Арча шәһәре ягына баручы автомобильгә утырып китүе билгеле булды.
Хөрмәтле райондашлар! Бу җинаятьне эшләүче-ләрне ачыклау өчен Россия Эчке эшләр министрлыгының Арча районы буенча бүлеге әлеге факт буенча сезгә билгеле булган теләсә нинди мәгълүматны 02, 3–11–02, 3–12–02, 3–17–02; 89274033818 телефоннары буенча хәбәр итүегезне сорый. Сер итеп саклау гарантияләнә.