Җитәкче вазифасын үтәми

Җитәкче вазифасын үтәми
Авыл хуҗалыгы предприятиесе җитәкчесе предприятиенең банкротлыкка чыгуы турында судка гариза бирү буенча вазифасын үтәмәгән өчен административ җаваплылыкка тартылды.
Тикшерү вакытында “Волжский мельник” ябык акционерлык җәмгыятендә (юридик адресы: Татарстан Республикасы, Арча шәһәре, Хезмәт урамы, 2а йорт) финанс–хуҗалык эшчәнлеге 2011 елның ноябреннән башкарылмый. Әлеге юридик зат бер банкка 20 млн. сумга якын кредит түләргә тиеш. Моннан тыш, салым түләүләр буенча 200 меңнән артык, суд карары буенча хезмәткәрләренә 109 мең сум күләмендә бурычы бар. “Бурычларын түләргә хәле җитмәү (банкротлык) турында” Федераль законның 9 маддәсе нигезендә, әгәр бурычлы әҗәтләрен түли алмый икән, бурычлының җитәкчесе гариза белән арбитраж судка мөрәҗәгать итәргә тиеш. Гаризаның арбитраж судка кыска срокта, ләкин әлеге хәл килеп чыккан көннән 1 айдан да соңга калмыйча җибәрелүе шарт.
“Волжский мельник” ябык акционерлык җәмгыяте генераль директоры Таһир Дәүләтшин тикшерү көненә “Волжский мельник”ның банкротлыгы турында арбитраж судка гариза бирмәгән була, шуның белән “Бурычларын түләргә хәле җитмәү (банкротлык) турындагы” Федераль законның 2, 9 маддәләрендә каралган үз вазифасын үтәми.
Район прокуратурасы тикшерү нәтиҗәләре буенча Т.Г.Дәүләтшинга карата РФ Административ хокук бозулар турындагы кодексның 14.13 маддәсе 5 бүлегендә каралган (юридик затның банкротлыгы турында арбитраж судка гариза бирү буенча җитәкченең вазифасын үтәмәве) эш кузгатты.
2012 елның 13 июлендәге җәмәгать суды карары белән вазифаи затка дәүләт файдасына 10000 сум күләмендәге штраф рәвешендә административ җәза билгеләнде.
Р.ХӘБИБУЛЛИН,
район прокуроры урынбасары