Төзелешләр дәвам итә
2012 елның 24 августы, җомга
Татарстан Республикасы Премьер–министры Илдар Халиков 16 августта үткәргән киңәшмәдә төзү сезоны тәмамлануга күп вакыт калмавын искәртте. Шуңа күрә эш темпын тизләтергә, моның өчен бөтен чараларны күрергә кирәк.
ТР төзелеш, архитектура һәм торак–коммуналь хуҗалык министры Ирек Фәйзуллин бүленгән акчаларның тулысынча үзләштерелгән районнар арасында Арча районын да әйтеп үтте.
20 августта муниципаль район башлыгы Алмас Назиров төзелеш оешмалары җитәкчеләре белән уздырган киңәшмәдә быел тапшырылырга тиешле объектларда эшне октябрьдә төгәлләү бурычын куйды.
Без бүген быел алда торган бурычларны тагын бер тапкыр ачыклап, 2013 елга планнар турында сөйләшәчәкбез, — диде ул. — Сентябрь, октябрь айларында бик нык эшләп алырга туры киләчәк.
Якын көннәрдә ныклап төзекләндергәннән соң Арчаның 2нче номерлы урта мәктәбе, шәһәрнең көньяк өлешендәге клуб, Зур урамда тузган торакны бетерү программасы буенча төзелгән күп фатирлы йорт тапшырылачак.
Шәһәрнең көнбатыш өлешендә социаль ипотека программасы буенча төзелә торган күп фатирлы 6 йортны (рәсемдә), Пушкин урамында ветераннар өчен 12 фатирлы йортны төзеп бетереп тапшыру бурычы тора.
— 2010–2011 елларда бик нык эшләгән идегез, — диде Алмас Әминович төзү оешмалары җитәкчеләренә. — Соңгы вакытта эш темпы канәгатьләндереп бетерми. Ә бит быел 2013 елга нигез салып калдырырга да кирәк.
Киләсе елда да районда төзелешләр киң колач белән алып барылачак. Социаль ипотека программасы буенча шәһәрнең көнбатыш өлешендә тагын күп фатирлы алты йорт, Кызыл Бистә урамында 24әр фатирлы ике, биш катлы 60 фатирлы бер йорт салу күздә тотыла. Шәһәребездә Боз сарае, Мәдәният йорты төзү башланырга тора. Тузган торакны бетерү программасы буенча акчаны күбрәк бирәчәкләр дигән җылы хәбәр бар. Мәктәпләрне, күп фатирлы йортларны ныклап төзекләндерү, авылларда клублар төзү һ.б. программалар гамәлдә кала.
— Исемлек зур, — диде район башлыгы. — Ышанычны аклап, сыйфатлы итеп эшләргә генә кирәк. Тапшырылган йортлар яннарын тәртипкә китерергә. Бу яктан Мамадышта эш бик яхшы оештырылган, без дә калышырга тиеш түгел.
Ильяс ФӘТТАХОВ
Бүлешү:
СОҢГЫ ЯҢАЛЫКЛАР
22
май, 2026 ел
Халыкара балаларны яклау көне алдыннан Федераль суд приставлары хезмәте 2026 елның 20 маеннан 1 июненә кадәр «суд приставлары – балаларга»Бөтенроссия мәгълүмат акциясе уздыра. Чаралар илнең барлык төбәкләрендә, шул исәптән Татарстан Республикасы территориясендә уза. Акциянең төп максаты-алимент түләүләрен түләтүнең нәтиҗәлелеген арттыру, балигъ булмаган балаларның хокукларын торгызу һәм җәмгыятьнең игътибарын ата-ана бурычларына җаваплы мөнәсәбәт мәсьәләләренә җәлеп итү.
Федераль суд приставлары хезмәтенең Татарстан Республикасы буенча Баш идарәсендә алимент түләтү мәсьәләләренә аерым игътибар бирелә. Суд приставларының системалы эшләве нәтиҗәсендә ел саен алимент түләүләре суммасы арту тенденциясе саклана.
21
май, 2026 ел
27 май Россия Почтасының республикадагы күпчелек бүлекчәләре өчен ял көне булачак. Маркетплейслардан заказлар бирү буенча хезмәт күрсәтүче почта бүлекчәләре гадәти режимда эшләячәк.
26 майда почта бүлекчәләренең эш көне бер сәгатькә кыскара.
Бәйрәм көнендә хат ташучылар почта җибәрүләрен һәм вакытлы матбугат басмаларын таратмаячак. Пенсия һәм пособиеләрне алар Россия Социаль фондының төбәк бүлеге белән килештерелгән график буенча китерәчәкләр.
Кайбер почта бүлекчәләре башка график буенча эшли ала. Актуаль эш расписаниесен ачыкларга яки картада якындагы ачык бүлекне табарга мөмкин сайтта pochta.ru яки компаниянең мобиль кушымтасында.
20
май, 2026 ел
Россия почтасы республикада 2026 елның икенче яртыеллыгына вакытлы матбугат басмаларына төп язылу кампаниясен дәвам итә.
Вакытлы матбугатны барлык почта бүлекчәләрендә, сайтта, Россия Почтасының мобиль кушымтасында, шулай ук мобиль почта-касса терминаллары ярдәмендә язылуны рәсмиләштерүче почтальоннарда язып алырга мөмкин. Вакытлы матбугатны онлайн язып алучыларның исем яки Язылу индексы, тема, алфавит, мәнфәгатьләр буенча кирәкле басманы сайлап алу мөмкинлеге бар, ә рәсмиләштерү нибары берничә минут вакыт алачак.
Татарстанлылар интернат-мәктәпләрдәге һәм балалар йортларындагы балаларга, ветераннарга, өлкән яшьтәге күршеләргә, картлар йортындагы инвалидларга яисә мохтаҗларга журнал һәм газеталарга хәйрия язылу ясый алалар. Моның өчен почта бүлекчәләрендә яисә «Игелек агачы» акциясе битләрендә регионны һәм социаль учреждениене сайларга кирәк, аның адресына язылу рәсмиләштереләчәк.
Казаннан 3-4 сыйныфларның 720 укучысы торак – коммуналь хуҗалык нигезләренә багышланган «Безнең хезмәт-сезнең уңайлылык» интерактив квестында катнашты. Проект Татарстан Республикасы төзелеш, архитектура һәм ТКХ министрлыгы тарафыннан Казан Башкарма комитетының мәгариф идарәсе ярдәмендә оештырылды.
Уен форматы укучыларга торак-коммуналь предприятиеләр китергән ресурсларны кулланганда һәм әлеге хезмәтләр өчен түләгәндә кирәкле гамәли күнекмәләр һәм күнекмәләр алырга мөмкинлек бирде. Квитанциянең барлык юлларына төшенү өчен, балаларга биш станция узарга тәкъдим иттеләр: һәркайсында интерактив формада аерым хезмәт турында белергә һәм тематик биремне үтәргә мөмкин иде. Мәсәлән, «җылылык һәм газ» станциясендә балалар батареяларда кайнар суның кайдан икәнен белеп кенә калмыйлар, бәлки үзләре дә бу җылылыкны саклау юлларын эзлиләр: җылылык сезоны турында да, кыйммәтле җылылыкны урамга чыгармаска ярдәм итүче кечкенә өй хәйләләре турында да фикер алышалар. «Водоснабжение» станциясендә аларга стаканга эләккәнче суның күпме чистарту юлы узуын күрсәтәләр. Монда ук балалар краннан суның тәме буенча гадәти шешәләргә салынганыннан ни өчен аерылырга мөмкин дигән сорауга җавап алалар.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз