ЯҢАЛЫКЛАР

ЯҢАЛЫКЛАР
4 СЕНТЯБРЬГӘ район хуҗалыкларында көзге культуралар 19133 гектарда (план 25000 гектар) чәчелде.
“Акчишмә”, “Кырлай”, “Аю”, “Ватан”, “Курса МТСы”, “Татарстан” ширкәтләре көзге чәчүне иң әйбәт срокларда башкарып чыктылар.

РАПС 2217 гектарда (барысы 8449 гектар) җыйнап алынды. Район буенча уртача уңышы 11,8 центнер. “Ак Барс–агро”да 17 центнер чыга.

БАРЫСЫ 33397 гектарда (план 75897 гектар) туфракны төп эшкәртү үткәрелде. “Ак Барс–агро”, “Ватан”, “Курса МТСы”, “Союз–агро” ширкәтләрендә бу эшкә игътибар зур.

16872 ГЕКТАРДАГЫ КУКУРУЗНЫҢ 8352 гектары җыйнап алынды.

РАЙОН БУЕНЧА бер шартлы терлеккә 20,40 центнер азык берәмлеге әзерләнде. “Кырлай”да 32,14 центнер туры килә.

РАЙОН БУЕНЧА бер сыердан уртача савым — 12,9 килограмм. Бу узган елның шул көнендәгедән 0,7 килограммга күбрәк.

ДӘҮЛӘТ АЛКОГОЛЬ ИНСПЕКЦИЯСЕНЕҢ Арча территориаль бүлегенә быелның 8 аенда 412 кеше мөрәҗәгать иткән. Шуларның 396сы кулланучылар файдасына хәл ителеп, эш судка барып җитмичә 510 мең сум акча ияләренә кайтарылган.

8 СЕНТЯБРЬДӘ Арча шәһәре, Галактионов урамында (“Эссен” кибете каршында) авыл хуҗалыгы товарлары сату ярминкәсе оештырыла. Авыл хуҗалыгы предприятиеләре, эшмәкәрләр катнаша. 7 сәгатьтә башлана. Рәхим итегез!

УРАЗА ТӘМАМЛАНУ БЕЛӘН туйлар да күбәеп китте. Августның 11 көнендә генә дә районда 30 пар балдаклар алышты. Ел башыннан барлыгы 229 пар язылышты.