Арча районында юбилярларны котлау
Арча районында юбилярларны котлау
2019 елның 31 августында Арча муниципаль районы башкарма комитетының ГХАТ бүлеге тарафыннан зөбәрҗәт һәм алтын юбилярларны хөрмәтләүгә багышланган чара үткәрелде. Бергә бәхетле һәм озын гомер итү-ул барысына да бирелми торган бәхет. Бәйрәмебез геройлары – Гыйльмуллинар Данил Гыйльмулла улы һәм Розалия Шәрәфәтдин кызы, Әхмәдиевлар Рәдиф Зариф улы һәм Венера Барый кызы авырлыкларны җиңеп, җиңүләргә сөенеп тормыш итәләр. Бүген дә, аларның төп теләге - туган йорт учагын саклап, балаларның уңышларына куанып, иминлектә һәм тынычлыкта яшәү. Юбилярлар ГХАТ бүлегенең Мактау китабына имзаларын куйдылар. Юбилярларны бу матур вакыйга белән котларга балалары, оныклары, туганнары, шулай ук хөрмәтле кунаклар килде. Ветераннар советы рәисе Габдрахманов Н.Г. юбилярларга Арча муниципаль районы башлыгы Нуриев Илшат Габделфәртовичның котлау адресын, чәчәкләр һәм ГХАТ бүлеген символик бүләген - сәгать тапшырып, юбилярларга сәламәтлек, иминлек, бәхет теләде.