Иң мөһиме — белем һәм сәламәтлек
2012 елның 2 ноябре, җомга
Һәр нәрсәнең үз вакыты дигәндәй, менә авыл клублары, фельдшер-акушерлык пунктларына да чират җитте. Аңа кадәр мәктәпләр яңартылды, әле кайчан гына аларның да шактые инде тузып беткән, “дерелдәп” торган биналарда иде бит.
Муниципаль район башлыгы Алмас Назиров авыл өчен иң беренче чиратта мәктәпләр һәм медпунктлар кирәклеген һәрвакыт әйтә. 31 октябрьдә Өчиле һәм Түбән Оры авылларында төзеләчәк фельдшер-акушерлык пунктлары нигезләренә казык какканда да кабатлады ул сүзләрне. Бу эшләргә керешер алдыннан киңәшү өчен төрле хезмәтләр җи-тәкчеләре дә чакырылган иде.
— Киңәшле эш таркалмас, диләр, — диде Алмас Әминович. — Һәрберегез үз фикерен әйтсен, аннан соң бер карарга килербез. Шулай иткәндә соңыннан эшләргә җиңел була.
Өчиледә медпункт бинасы нык искергән. Аның янә-шәсендә буш урын бар, яңасы сафка басканчы элеккесе эшләп торачак. Хәзер төп бурыч — урын әзерләү. Республика программасы буенча медпунктларны бик тиз төзиләр хәзер, аларны әзер килеш алып кайталар да, урында җыеп куялар.
Быел Апаз һәм Мөндеш авылларында нәкъ шулай эшләделәр. Район башлыгы авыл җирлекләре башлыкларына шуларны карап кайтырга киңәш итте.
Түбән Оры авылы халкы да яңа медпункт төзелүгә чиксез шатланыр. Чөнки соңгы елларда биредә ул бөтенләй булмаган. Урынын да уңайлы җирдә сайладылар. Газ, су, электр — бар да янәшәдән генә үтә. Бүлекчә җитәкчесе иртәгә үк бульдозер бирәбез, урынын әзерләрбез, дип тора.
Муниципаль район башлыгы Алмас Назиров Яңа Кенәр хастаханәсендә, “Өмет” тернәкләндерү үзәгендә дә булды. Район хастаханәсенең баш табибы Тәлгать Баһаветдинов, участок хастаханәсе һәм тернәкләндерү үзәге җитәкчесе Ирек Исмәгыйлев халык сәламәтлеген саклау буенча күрелә торган чаралар, проблемалар турында сөйләделәр. Тернәкләндерү үзәгендә дәваланучылар (алар бирегә Биектау, Саба һ.б. районнардан да килә) үзәктә тудырылган шартлар өчен рәхмәтләрен җиткерделәр.
Алмас Әминович булган проблемаларны хәл итү өчен ярдәм күрсәтеләчәген әйтте, эшне тагын да яхшырту буенча киңәшләрен бирде.
Ильяс ФӘТТАХОВ
Бүлешү:
СОҢГЫ ЯҢАЛЫКЛАР
22
май, 2026 ел
Халыкара балаларны яклау көне алдыннан Федераль суд приставлары хезмәте 2026 елның 20 маеннан 1 июненә кадәр «суд приставлары – балаларга»Бөтенроссия мәгълүмат акциясе уздыра. Чаралар илнең барлык төбәкләрендә, шул исәптән Татарстан Республикасы территориясендә уза. Акциянең төп максаты-алимент түләүләрен түләтүнең нәтиҗәлелеген арттыру, балигъ булмаган балаларның хокукларын торгызу һәм җәмгыятьнең игътибарын ата-ана бурычларына җаваплы мөнәсәбәт мәсьәләләренә җәлеп итү.
Федераль суд приставлары хезмәтенең Татарстан Республикасы буенча Баш идарәсендә алимент түләтү мәсьәләләренә аерым игътибар бирелә. Суд приставларының системалы эшләве нәтиҗәсендә ел саен алимент түләүләре суммасы арту тенденциясе саклана.
21
май, 2026 ел
27 май Россия Почтасының республикадагы күпчелек бүлекчәләре өчен ял көне булачак. Маркетплейслардан заказлар бирү буенча хезмәт күрсәтүче почта бүлекчәләре гадәти режимда эшләячәк.
26 майда почта бүлекчәләренең эш көне бер сәгатькә кыскара.
Бәйрәм көнендә хат ташучылар почта җибәрүләрен һәм вакытлы матбугат басмаларын таратмаячак. Пенсия һәм пособиеләрне алар Россия Социаль фондының төбәк бүлеге белән килештерелгән график буенча китерәчәкләр.
Кайбер почта бүлекчәләре башка график буенча эшли ала. Актуаль эш расписаниесен ачыкларга яки картада якындагы ачык бүлекне табарга мөмкин сайтта pochta.ru яки компаниянең мобиль кушымтасында.
20
май, 2026 ел
Россия почтасы республикада 2026 елның икенче яртыеллыгына вакытлы матбугат басмаларына төп язылу кампаниясен дәвам итә.
Вакытлы матбугатны барлык почта бүлекчәләрендә, сайтта, Россия Почтасының мобиль кушымтасында, шулай ук мобиль почта-касса терминаллары ярдәмендә язылуны рәсмиләштерүче почтальоннарда язып алырга мөмкин. Вакытлы матбугатны онлайн язып алучыларның исем яки Язылу индексы, тема, алфавит, мәнфәгатьләр буенча кирәкле басманы сайлап алу мөмкинлеге бар, ә рәсмиләштерү нибары берничә минут вакыт алачак.
Татарстанлылар интернат-мәктәпләрдәге һәм балалар йортларындагы балаларга, ветераннарга, өлкән яшьтәге күршеләргә, картлар йортындагы инвалидларга яисә мохтаҗларга журнал һәм газеталарга хәйрия язылу ясый алалар. Моның өчен почта бүлекчәләрендә яисә «Игелек агачы» акциясе битләрендә регионны һәм социаль учреждениене сайларга кирәк, аның адресына язылу рәсмиләштереләчәк.
Казаннан 3-4 сыйныфларның 720 укучысы торак – коммуналь хуҗалык нигезләренә багышланган «Безнең хезмәт-сезнең уңайлылык» интерактив квестында катнашты. Проект Татарстан Республикасы төзелеш, архитектура һәм ТКХ министрлыгы тарафыннан Казан Башкарма комитетының мәгариф идарәсе ярдәмендә оештырылды.
Уен форматы укучыларга торак-коммуналь предприятиеләр китергән ресурсларны кулланганда һәм әлеге хезмәтләр өчен түләгәндә кирәкле гамәли күнекмәләр һәм күнекмәләр алырга мөмкинлек бирде. Квитанциянең барлык юлларына төшенү өчен, балаларга биш станция узарга тәкъдим иттеләр: һәркайсында интерактив формада аерым хезмәт турында белергә һәм тематик биремне үтәргә мөмкин иде. Мәсәлән, «җылылык һәм газ» станциясендә балалар батареяларда кайнар суның кайдан икәнен белеп кенә калмыйлар, бәлки үзләре дә бу җылылыкны саклау юлларын эзлиләр: җылылык сезоны турында да, кыйммәтле җылылыкны урамга чыгармаска ярдәм итүче кечкенә өй хәйләләре турында да фикер алышалар. «Водоснабжение» станциясендә аларга стаканга эләккәнче суның күпме чистарту юлы узуын күрсәтәләр. Монда ук балалар краннан суның тәме буенча гадәти шешәләргә салынганыннан ни өчен аерылырга мөмкин дигән сорауга җавап алалар.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз