Вакытыгыз югалмый, акча азрак китә

Вакытыгыз югалмый, акча азрак китә
Һәр айны торак-коммуналь хезмәтләргә түләү өчен сез банк бүлекчәләрендә озын чиратларда торасыз, анда кадерле вакытыгыз гына югалмый, ә хәйран гына комиссия акчалары да калдырырга туры килә. Ә бит бүген моның вакытны һәм акчаларны экономияләргә мөмкинлек бирә торган башка юлы да бар.
Сүз торак-коммуналь хезмәтләргә Интернет аша түләү мөмкинлеге турында бара, ул бик мавыктыргыч, вакыт һәм акча кадерен белгән кешеләр өчен аеруча. Әлегә коммуналь хезмәтләрне бирүчеләр белән кулланучылар арасындагы мондый мөнәсәбәт кереп кенә килә, шуңа күрә аңа шикләнеп караучылар да булуы гаҗәп түгел.
Безнең Арча шәһәрендә бу хезмәттән компьютеры булган һәм Интернетка тоташкан һәркем файдалана ала. Моны теләсә кайсы компьютердан тәүлекнең теләсә кайсы вакытында өйдә, эштә, хәтта чит илдә ялда вакытта да башкарып була.
Бүген, өйдән чыкмыйча гына, Интернет аша торак-коммуналь хуҗалыгы хез-мәтләренә түләүләр турындагы мәгълүматларны тикшерергә, шәхси исәбең белән идарә итәргә, ягъни исәп-фактурага үзгәрешләр кертергә, түләүләр суммасын үзгәртергә һәм шулай ук барлык мәгълүматны электрон хәлдә сакларга була. Моның өчен дәүләт хезмәтләре порталында шәхси кабинетыңны булдырырга кирәк. Торак-коммуналь хуҗалыгы хезмәтләре түләүләрен шәхси кабинетыңны теркәмичә дә башкарып була. Бары тик түләү квитанциясендә күрсәтелгән шәхси исәп номерын һәм түләү суммасын гына компьютерга кертергә кирәк. Банк бүлекчәләрендә инфомат аша торак-коммуналь хезмәтләренә түләгәндә комиссия 2 процент тәшкил итә, дәүләт хезмәтләре порталы аша — 1 процент. Күргәнегезчә, Интернет аша эшләү акчаны да, вакытны да экономияли. Электрон түләүләрдән кулда документ калмый дип, курыкмаска кирәк. Әгәр дә акчалар ниндидер сәбәпләр аркасында адресатына барып җитми, яисә “югала” икән, чыннан да, проблемалар туарга мөмкин. Акча күчерү фактын һәрвакытта да тикшереп була, чөнки түләүләрдән соң чек бастырып алу мөмкинлеге бар. Үз түләүләреңнең тарихына һәрвакытта да мөрәҗәгать итеп була, чөнки шәхси кабинетыңда түләү турындагы мәгълүматлар һәрвакытта да саклана.
Торак-коммуналь хезмәтләргә даими рәвештә түләү мөмкинлегеннән тыш, дәүләт хезмәтләре порталындагы шәхси кабинетта торак-коммуналь хуҗалыгы хез-мәтләре өчен түләү, бурычларыңны белү, бердәм түләү һәм торак исәбе өчен документлар алырга мөмкин.
Порталда теркәлү узу тәртибе бик җайлы, моны ничек эшләргә кирәклеген программа үзе әйтә. Югарыда әйтелгән порталда теркәлүче түләүләрне генә башкарып калмыйча, теләсә кайсы вакытта үзенең түләү тарихын карый ала.
Шуны әйтәсем килә, торак-коммуналь хезмәтләр өчен Интернет аша түләү берникадәр дәрәҗәдә өстенлекле. Өстәвенә, статистика мәгълүматларына килгәндә, “челтәр” буенча түләүчеләр 10 процент тәшкил итә. Бу очракта шуны да исәпкә алу кирәк, Интернет ярдәмендә үзара финанс бәйләнеше булдыру да тиз генә кереп китмәде —товар алу, билетка заказ бирү һәм башка төрле замана кешесе ияләнгән әйберләр ун еллар элек кенә күп кулланучылар өчен кирәксез иде.
Әлбәттә, безнең җирлектә дә элеккечә, Интернет кулланмыйча түләп яшәүчеләр күп әле. Ә сәбәпләре төрле: кайберәүләр электрон түләү системалары барлыгын белмәсә, икенчеләр Интернет булмаганга яисә менталитетка бәйле рәвештә башкара алмаска мөмкин. Электрон рәвештә түләүләрне башкара алучыларга әлеге уңай түләү формасыннан файдаланырга киңәш итәм.
Линар ӘХМӘДИЕВ,
Бердәм исәп-хисап үзәге директоры