Комиссия утырышы

Комиссия утырышы
21 ноябрьдә Арча муниципаль районының наркотикларга каршы комиссиясе утырышы булды.
Утырышта “Урта һөнәри белем бирү учреждениеләрендә наркотикларга каршы эшне оештыру һәм үткәрү”, “Мәк” республика оператив-профилактик операциясе турында”, “Укучыларга һәм студентларга профилактик карау үткәрү буенча республика оператив штабы утырышы беркетмәсенең 2нче пунктын карау турында”, “Арча муниципаль районы территориясендә азот закисе таралуны чикләү буенча чаралар турында”, “Социаль яклау һәм сәламәтлек саклау органнарының имин булмаган гаиләләрне алдан ачыклау һәм социаль куркыныч хәлдәге балалар белән эшләүне камилләштерү буенча эшчәнлекләрен оештыру турында”, “Гомуми белем учреждениеләрендә наркотикларга каршы “Уңышка юл” программасын кертү турында”, “Наркопритон тотучыларга, торак һәм торак булмаган биналарны наркотик матдәләр, психотроп матдәләр ясау һәм куллану өчен файдаланучыларга законда каралган чараларны куллану турында”, “Яшүсмерләр–яшьләр арасында сәламәт яшәү рәвешен пропагандалау һәм психоактив матдәләр куллануны пропагандалау өлкәсендә Ирекле хәрәкәтне үстерү турында. Арча муниципаль районы территориясендә Ирекле хәрәкәт үзәге төзү мөмкинлеге турында”гы мәсьәләләр каралды.
Көн тәртибендәге мәсьә-ләләр буенча Арча агросәнәгать һөнәри көллияте директоры урынбасары Лилия Вәлиева, Г.Тукай исемендәге Арча педагогика көллияте директоры Эльмира Сафина, Россия Эчке эшләр министрлыгының Арча районы буенча бүлеге хезмәткәре Дамир Гарифҗанов, район мәгариф идарәсенең мәгълүмат–методик үзәге директоры Зөлфия Кәлимуллина чыгышлары тыңланды. Фикер алышуларда район прокуроры Ринат Ситдыйков, район башкарма комитеты җитәкчесе урынбасары Надия Мифтахетдинова катнашты.
Утырышта тикшерелгән мәсьәләләр буенча карарлар кабул ителде.