Сәламәт яшәүгә өндиләр
2013 елның 6 марты, чәршәмбе
“XXI гасыр яшьләре” клубы һәрвакыт эш белән мәшгуль: ни дә булса үткәрә, кайда да булса катнаша. Хәзер дә Универсиада алдыннан клуб әгъзалары район мәктәпләрендә төрле чаралар оештыралар.
В.Ф. Ежков исемендәге беренче номерлы мәктәптә V-VI сыйныф укучылары белән “Сәламәт яшәү рәвеше. Начар гадәтләр һәм аларның сәбәпләре” дигән темага профилактик әңгәмәләр үткәрелә башлады.
Волонтерлар укучыларга тәмәке тартуның һәм алкогольнең зыяны, нинди авыруларга һәм проблемаларга китерүе турында сөйләделәр.
Чараның икенче өлешендә балалар Универсиадада волонтер булып эшләүчеләргә нинди таләпләр куелган, уеннар вакытында алар нәрсә эшләргә тиешлеген белделәр. Очрашу ахырында кунаклар балалар белән уен оештырдылар. Укучыларның активлыгы шулкадәр көчле иде ки, хәтта уенга волонтерлар үзләре дә кушылдылар. Шатлыклы авазлар барлык катнашучыларның күңелен күтәреп, алар көне буена җитәрлек энергия тупладылар.
“Без мондый чараларда катнашырга бик яратабыз. Җитәкчебез Миләүшә Шакирова район мәктәпләрендә Универсиада, анда катнашучы волонтерларның роле турында әңгәмәләр үткәрергә тәкъдим иткәч тә, без бик теләп ризалаштык. Ә спортчылар турында сүз барганда, әлбәттә инде, сәламәт яшәү рәвешенә игътибар бирергә кирәк. Әгәр безнең белән очрашудан соң укучыларда үз сәламәтлекләрен ныгыту теләге уянса, без максатыбызга ирештек дигән сүз”, – дип үз фикерләре белән уртаклашты безнең белән “XXI гасыр яшьләре” клубы әгъзасы Әлфизә Урманова.
Әңгәмә ахырында балалар көчле алкышлар белән волонтерларга үзләренең рәхмәтләрен җиткерделәр. Бу алар өчен иң зур бәя.
Гөлназ ГЫЙНИАТУЛЛИНА
Бүлешү:
СОҢГЫ ЯҢАЛЫКЛАР
21
май, 2026 ел
27 май Россия Почтасының республикадагы күпчелек бүлекчәләре өчен ял көне булачак. Маркетплейслардан заказлар бирү буенча хезмәт күрсәтүче почта бүлекчәләре гадәти режимда эшләячәк.
26 майда почта бүлекчәләренең эш көне бер сәгатькә кыскара.
Бәйрәм көнендә хат ташучылар почта җибәрүләрен һәм вакытлы матбугат басмаларын таратмаячак. Пенсия һәм пособиеләрне алар Россия Социаль фондының төбәк бүлеге белән килештерелгән график буенча китерәчәкләр.
Кайбер почта бүлекчәләре башка график буенча эшли ала. Актуаль эш расписаниесен ачыкларга яки картада якындагы ачык бүлекне табарга мөмкин сайтта pochta.ru яки компаниянең мобиль кушымтасында.
20
май, 2026 ел
Россия почтасы республикада 2026 елның икенче яртыеллыгына вакытлы матбугат басмаларына төп язылу кампаниясен дәвам итә.
Вакытлы матбугатны барлык почта бүлекчәләрендә, сайтта, Россия Почтасының мобиль кушымтасында, шулай ук мобиль почта-касса терминаллары ярдәмендә язылуны рәсмиләштерүче почтальоннарда язып алырга мөмкин. Вакытлы матбугатны онлайн язып алучыларның исем яки Язылу индексы, тема, алфавит, мәнфәгатьләр буенча кирәкле басманы сайлап алу мөмкинлеге бар, ә рәсмиләштерү нибары берничә минут вакыт алачак.
Татарстанлылар интернат-мәктәпләрдәге һәм балалар йортларындагы балаларга, ветераннарга, өлкән яшьтәге күршеләргә, картлар йортындагы инвалидларга яисә мохтаҗларга журнал һәм газеталарга хәйрия язылу ясый алалар. Моның өчен почта бүлекчәләрендә яисә «Игелек агачы» акциясе битләрендә регионны һәм социаль учреждениене сайларга кирәк, аның адресына язылу рәсмиләштереләчәк.
Казаннан 3-4 сыйныфларның 720 укучысы торак – коммуналь хуҗалык нигезләренә багышланган «Безнең хезмәт-сезнең уңайлылык» интерактив квестында катнашты. Проект Татарстан Республикасы төзелеш, архитектура һәм ТКХ министрлыгы тарафыннан Казан Башкарма комитетының мәгариф идарәсе ярдәмендә оештырылды.
Уен форматы укучыларга торак-коммуналь предприятиеләр китергән ресурсларны кулланганда һәм әлеге хезмәтләр өчен түләгәндә кирәкле гамәли күнекмәләр һәм күнекмәләр алырга мөмкинлек бирде. Квитанциянең барлык юлларына төшенү өчен, балаларга биш станция узарга тәкъдим иттеләр: һәркайсында интерактив формада аерым хезмәт турында белергә һәм тематик биремне үтәргә мөмкин иде. Мәсәлән, «җылылык һәм газ» станциясендә балалар батареяларда кайнар суның кайдан икәнен белеп кенә калмыйлар, бәлки үзләре дә бу җылылыкны саклау юлларын эзлиләр: җылылык сезоны турында да, кыйммәтле җылылыкны урамга чыгармаска ярдәм итүче кечкенә өй хәйләләре турында да фикер алышалар. «Водоснабжение» станциясендә аларга стаканга эләккәнче суның күпме чистарту юлы узуын күрсәтәләр. Монда ук балалар краннан суның тәме буенча гадәти шешәләргә салынганыннан ни өчен аерылырга мөмкин дигән сорауга җавап алалар.
19
май, 2026 ел
20 майда көндез һәм кич Татарстан Республикасы территориясендә кайбер районнарда яшенле яңгыр көтелә, җилнең тизлеге 15-20 м/с, боз явуы ихтимал.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз