Яшьләр туристик форумы
2021 елның 7-10 августында Татарстан Республикасында икенче тапкыр Яшьләр туристик форумы (алга таба – Форум) узачак. Форум «Татарстан Республикасының Иҗади яшьләр академиясе» РИО белән берлектә «Татарстан Республикасы туризмын үстерү үзәге» АКБО («Visit Tatarstan» рәсми туристик бренды) Татарстан Республикасы Яшьләр эшләре министрлыгы ярдәме белән тормышка ашырыла.
Форумда Россия һәм Татарстан Республикасының бөтен районнарыннан 250 дән артык кеше, шулай ук 35 Россия һәм чит ил спикеры, төрле өлкәләрдәге экспертлар: туроператорлар, әйдәп баручы медиа һәм трэвел-блогерлар, инвесторлар һәм ИТ-компанияләр, HORECA һәм туризм өлкәсендә хакимият органнары вәкилләре, кунакчыллык экспертлары һәм профессиональ сәяхәтчеләр катнашачак.
Форумның төп бурычлары-яшьләр арасында эчке туризмны үстерү, туризм өлкәсендә яңа инициативаларга ярдәм итү, яшь журналистларны һәм сәяхәт һәм туризм өлкәсендә сыйфатлы һәм кызыклы контент булдыру буенча трэвел-блогерларны әзерләү һәм укыту, Россиянең аз билгеле туристик локацияләренә туристлар җәлеп итү максатыннан территорияләрне үстерү буенча яңа форматлар һәм интерактивлар булдыру.
2021 елда Форум программасы өч юнәлеш буенча төзеләчәк:
1. Травел-блогинг -юнәлешнең төп кейсы: Татарстан Республикасы районнары буенча репортажлар һәм медиа контент булдыру;
2. Татарстан Республикасы районнарында туристик инициативалар буенча белем бирү программасы - юнәлешнең төп кейсы: Татарстан районы өчен үз проектыңнан әзер турпродукт ясау, партнерлар табу;
3. Туристлар өчен чаралар һәм интерактив программалар - юнәлешнең төп кейсы: Татарстанга туристлар җәлеп итүнең яңа формаларын эшләү.
https://youthtourforum.ru/ сайтында катнашу өчен гариза бирергә һәм Форум турында тулырак мәгълүмат белергә мөмкин. Форумда катнашу өчен теркәлү 2021 елның 30 июленә кадәр.
Элемтә өчен җаваплы зат: Егоров Андрей Николаевич, Тел.: +7 (927) 444-91-56, электрон почта: akmolrt@gmail.com.