ЯҢАЛЫКЛАР

Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров   Россия  Федерациясе  авыл  хуҗалыгы  министрының  беренче  урынбасары    Джамбулат Хатуов җитәкчелегендә  узган     видеоконференция режимындагы  киңәшмәдә  катнашты,  ул  Россия  Федерациясе субъектларында  туфракны  известьлауны  башкару  мәсьәләләренә  багышланган  иде.   

“Кул сәгатен күрсәтеп алырмын дигән идем, Марсель абый эшләми икән инде”, – диде бер танышым. “Алай икән, – дим. – Урам буйлап җай гына килгәнен күрә идем, соңгы вакытта күренгәне юк шул”.

Марсель абый озак еллар күрешеп яшәгәнгәдер туган кебек якын күргән кеше инде ул. Моны мин генә түгел, Арчаның өлкәнрәк яшьтәге һәр кешесе әйтә. Бик җайлы, ипле кеше ул. Хатыны Фирая апа белән үз гомерләрендә күпме сәгать төзәткәндер алар! Хәзер генә ул сәгатьләрнең ниндие генә юк. Өй саен күп булса 1–2 сәгать булган заманнарда эшләде алар.

Мулләхмәт Әскәров гыйбрәтле вакыйга сөйләде. Белгечләр белән машинада басуларны карап йөриләр икән. Трактор чәчү чәчә. Чәчкечләрдә өч яшүсмер эшли. Көтмәгәндә боларның икесе өченчесен җиргә этеп төшерә. Тегесе чак тырмага эләкми кала. Трактор чәчүен дәвам итә. Ә җирдәге яшүсмер аягын тотып җирдә ятып кала. Тракторчы берни белми. Алга карап баруын белә. Ярый әле яшүсмер бәлагә тармый кала.

30 сентябрьдә Арчада Татарстан Республикасында Кеше хокуклары буенча вәкаләтле вәкил Сәрия Сабурская булып китте. Башта ул Арча, Әтнә, Биектау, Балтач, Саба, Теләче, Кукмара районнарыннан килгән җитәкчеләр белән зона утырышы үткәрде, “Халык контроле”нә килгән гаризаларның үтәлешен барлап чыкты, бу юнәлештә алга китеш барлыгын билгеләп үтте.

Күбебез телевидениене кабель аша яки спутник антенналары ярдәмендә карый. Ә шул ук вакытта телевидениене гади антенналар белән бушка караучылар да бар. Аналогтагы телевидение дип йөртәләр аны. Россия регионнарында, шул исәптән Татарстанда да,  аналогтагы федераль каналлар бетәчәк һәм аның урынына цифрлы эфир телевидениесе килә. Сүзебез шул турыда бара.

Аны Арча Укучылар сарае, яшьләр эшләре һәм спорт бүлеге, спорт мәктәбе, Россия Эчке эшләр министрлыгы Арча районы буенча бүлегенең ЮХИДИ бүлекчәсе, юл хәрәкәте куркынычсызлыгы буенча бүлекчә белән берлектә Арча ДОСААФ оешмасы оештырды. Биш команда – Лаештан “Лидер”, Түбән Камадан “Рафаэль” картинг-клублары,  Балтач районы ДОСААФ оешмасы һәм мәктәптән тыш эш үзәге, шулай ук Арчадан ДОСААФ оешмасы һәм Укучылар сарае – килгән иде. Барлыгы 35 кеше катнашты.

         Татарстан Республикасы буенча Пенсия фонды булекчәсе 1 октябрьдэ Өлкәннәр декадасы уңаеннан пенсия белән тәэмин итү мәсьәләләре буенча  кайнар линия ача.

Яшь белгечләр   авыл  территорияләрен  комплекслы  үстерү буенча  дәүләт  программасы  кысаларында  2020 елдан  авыл  җирендә  3%ка кадәр ставка  белән  ипотека кредиты алырга  мөмкин.   Бу  хакта  Россия Федерациясе  авыл  хуҗалыгы  министры  урынбасары    Иван Лебедев  әйтте.

Соңгы  бер  атна  эчендә  республикада    1,4 мең га бәрәңге, 500 га яшелчә җыелды,   256 мең  тонна шикәр  чөгендере  чыгарылды.  Шул  чор  эчендә  Татарстанның  шикәр  заводларында   20,4 мең тонна  шикәзр  комы  җитештерелде.    Бу  хакта  бүген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров  Татарстан  Республикасы Хөкүмәте Йортында  узган  киңәшмәдә  сөйләде.  

Россия Федерациясе  Авыл  хуҗалыгы  министрлыгы  хәбәр итүенчә,  14 яшьтән 30  яшькә  кадәрге авыл  эшкуарлары «Яшь Россия эшкуары 2019» Бөтенроссия конкурсында  катнаша  алалар.     Конкурста  катнашу  өчен бүген  үк   molpred-116.ruсайтында  анкета  тутырырга һәм  info.mpr2019rt@mail.ru электрон  почтасына  җибәрергә  кирәк.    Гаризаларны  кабул  итүнең  соңгы  көне  – 30 сентябрь. Һәр теркәлүче  бүләккә  СММ буенча  онлайн белем  алу  курсын  алачак.