ЯҢАЛЫКЛАР

Бүген  “Алтын  көз 2019” күргәзмәсе  кысаларында  Марат Җәббаров  һәм  Россиянең  иң  эре  «ФосАгро-Регион» минераль ашламалар  дистрибуциясе  челтәре («ФосАгро» төркеме)  генераль  директоры  Андрей Вовк белән  “яшел агротехнологияләр” һәм экологик  чиста минераль   ашламалар  куллану  исәбенә  Татарстан  агросәнәгать комплексының экспорт куәтен гамәлгә ашыру  мәсьәләләре  хакында  фикер алыштылар.  

9 октябрьдә  Мәскәүдә  ВДНХада авыл  хуҗалыгы казанышлары  буенча  Россиянең  иң күләмле   “Алтын  көз – 2019”  21нче  агросәнәгать күргәзмәсе  ачылды.   Быел  күргәзмәдә Россия  төбәкләреннән,  якын  һәм  ерак  чит  илләрдән    1500дән артык   экспонент катнаша.  

Татарстан  Республикасы Авыл хуҗалыгы  һәм азык-төлек  министрлыгы үз  стендында Татарстанда  җитештерелгән  экологик  чиста һәм натураль продукция  күрсәтә. 

Хакимиятләр Россиядә агросәнәгать комплексына  булышуны  дәвам  итәләр,     илдә авыл  хуҗалыгы югары  технологияле, нәтиҗәле  һәм конкуренциягә  сәләтле булсын  өчен  әле  тагын  күп  нәрсә  эшләргә  кирәк,  дип белдерде  Россия  Федерациясе    премьер-министры  Дмитрий Медведев  “Алтын  көз” күргәмәсен  ачу  тантанасында.  

Колхозлар заманында кукурузны кырауларга кадәр урып бетерү таләбе куела иде. Хәзер чәкәне өлгергәч салынган силос тулы кыйммәтле азык булып санала. “Ак барс” агрокомплексы” ширкәтендә шулай эшлиләр дә. Кукурузның күпмедер өлешен суктырып сыттырылган азык та әзерләячәкләр. Монысын терлекләр аеруча яратып ашый, файдасы да зур, диләр.

Район авыл хуҗалыгы һәм азык-төлек идарәсе җитәкчесе Ренат Гатиятов җитәкчеләрнең игътибарын менә шул мәсьәләләргә юнәлтте. Чөнки җитәкче үзе кызыксынып йөргәндә генә яхшы сыйфатлы азык әзерләнәчәк, терлекчелектә уңай үзгәрешләр булачак.

Шимбә көнне Алмаз тренеры Газинур Борһанов һәм әтисе, районның таэквондо федерация рәисе Илфат Закиров белән Санкт-Петербургтан төнлә генә кайтып төште.  Икенче көнне якшәмбедә без Чемпионны тренеры белән редакциягә кунакка дәштек. “Таэквондоны чамалыйбыз, аның хапкидосы нәрсә инде?” – дип сорыйм уены-чыны белән. “Кореядан чыккан сугышчан сәнгать төре ул, – дип аңлатты тренер. – Таэквондога кайбер хәрәкәтләр, һөҗүм итү ысуллары өстәлә. Андагы акробатика үзе генә ни тора! Бу көч структураларында кулланыла торган сугышчан сәнгать төре. Кулда таяк һәм башка кораллар булырга мөмкин”.

“Укытучы – дөньяны танып-белергә омтылучы, балаларның керсез күңелләренә гыйлем орлыклары чәчүче һәм аларның тигез, матур шытымнар бирүен сабыр гына көтүче, шуларны күреп чын күңелдән сабыйларча сөенүче остаз. Шулай ук балаларның нечкә күңеленә саклык белән генә кагылучы, аларга хаклык энҗеләрен тезүче оста киңәшче дә ул”, – диде Укытучылар көненә багышланган чараны алып баручы сәхнәдән. Уку барышында юл күрсәтүче маяк, ил-көндә барган һәр яңарыш, һәр борылыш, һәр үзгәрешне үз аңы аша үткәреп, алгарыш мәйданында җиңү яулашкан каһарман шәхес белән дә тиңләде ул аларны.

Өлкәннәр ункөнлеге уңаеннан актив ветераннар белән түгәрәк өстәл артында сөйләшү булды. Аны район башкарма комитеты җитәкчесе урынбасары Рамил Гарифҗанов алып барды.

Ветераннар белән очрашуга өлкәннәр белән турыдан-туры эшләүче оешма җитәкчеләре – район ветераннар советы рәисе Наил Габдрахманов, Пенсия фондының Арча клиентлар хезмәте җитәкчесе Рузия Нурмөхәммәтова, халыкны социаль яклау бүлеге җитәкчесе Ләйсән Галәветдинова, “Мәрхәмәтлек үзәге” җитәкчесе Миләүшә Шакирова, мәдәният идарәсе җитәкчесе Рамил Мөхетдинов, яшьләр эшләре һәм спорт бүлеге җитәкчесе Ильяс Габделгазизов, табиб-гериатр Рәмзия Хәйруллина, шәһәр башкарма комитеты җитәкчесе урынбасары Ленар Йосыпов һәм башкалар килде.

14 октябрьдә Татарстан тулысынча цифрлы телевидениегә күчә һәм шул ук вакытта аналоглы цифрлы телевидениенең дәүләт челтәре өзелә.

Цифрлы телевизион тапшырулар сигналын кабул итү өчен телевизион приставка һәм антенна кирәк булачак. Әмма аларны алу кайбер категория гражданнар өчен кыенлык тудыра. Шуны күздә  тотып, Татарстан Республикасы Министрлар Кабинеты “цифр”га күчкәндә адреслы ярдәм күрсәтү турында махсус карар (13.07.2019.  №574) кабул итте. Аның нигезендә социаль яктан яклаучысыз гражданнарга цифрлы телевизион тапшырулар сигналын кабул итү өчен барлык кирәк булган җиһазлар алуга киткән акча компенсацияләнә. Шушы темага кагылышлы күпләрне кызыксындырган берничә сорауга җавап.

10 октябрьдә «АгроНТИ-2019» Бөтенроссия  конкурсы финалистлары  үз  эшләрен “Алтын көз” күргәзмәсендә  күрсәтәчәкләр.   Мәскәүгә конкурста  катнашкан Татарстан  укучысы  да  бара. 

Искәртеп  узабыз,  2019 елның  1  апреленнән  Россия Федерациясе  Авыл  хуҗалыгы  министрлыгы  һәм Татарстан  Республикасы Авыл хуҗалыгы  һәм азык-төлек  министрлыгы ярдәмендә  Аграр югары  уку йортлары  ассоциациясе  белән  берлектә  Инновацияләргә  ярдәм  итү  фонды  тарафыннан  игълан ителгән  «АгроНТИ-2019» Бөтенроссия  конкурсы старт алган  иде.     Конкурсның читтән  торып  катнашу  этапларында  18 мең авыл мәктәп укучылары  катнашты,  шул  исәптән Татарстан  Республикасыннан  3463 катнашучы  булды,   ә 9 аграр югары  уку  йортлары  мәйданчыкларында  узган     төбәк  этапларында  1800 укучы  катнашты. 

Техник  культураларны  җыюның  барышы  һәм туфракны  көзге  эшкәртү  темплары  турында  бүген  Татарстан  Республикасы Хөкүмәте Йортында  узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров сөйләде.  

Барлык  муниципаль районнар  белән  видеоконференция режимындагы  киңәшмәне  Татарстан  Республикасы  Президенты  Рөстәм  Миңнеханов  үткәрде. Киңәшмдә   Татарстан  Республикасы  Премьер-министры Алексей Песошин катнашты.