2021 елның 11 октябрендә Россия Федерациясе дәүләт һәм муниципаль хезмәтләр бердәм порталында https://www.gosuslugi.ru/inet. цифрлы тигезсезлекне бетерү программасы кысаларында 2022 елда югары тизлекле интернетка тоташтырылачак торак пунктлар өчен тавыш бирү башланды.
2021 елның 11 октябрендә Россия Федерациясе дәүләт һәм муниципаль хезмәтләр бердәм порталында цифрлы тигезсезлекне бетерү программасы кысаларында 2022 елда югары тизлекле интернетка тоташтырылачак торак пунктлар өчен тавыш бирү башланды. УЦН 2.0 программасы кысаларында 100 дән 500 кеше яшәгән торак пунктларда 3G һәм 4G стандартларының мобиль челтәре булмау яки сыйфаты начар булу күзәтелгән торак пунктларда универсаль хезмәт күрсәтү резервы акчалары хисабына 4G стандартлы база станцияләре урнаштырылачак. Татарстан Республикасы буенча шундый 624 торак пункт исәпләнә. Тавыш бирү өчен түбәндәге адрес буенча урнаштырылган махсус https://www.gosuslugi.ru/inet эшләнде.
Әлеге тавыш бирү нәтиҗәләре буенча Татарстан Республикасының 61 торак пункты билгеләнәчәк (квота Россия Федерациясенең Цифрлы үсеш, элемтә һәм массакүләм коммуникацияләр министрлыгы тарафыннан билгеләнә), анда 2022 елда югары тизлекле интернетка керү тәэмин ителәчәк. Проектны «Ростелеком» һәм «Мобайл Т2» башкара. Республиканың калган 563 торак пунктында Интернет челтәренә киң полосалы мобиль керү мөмкинлеген тәэмин итү 2030 елга кадәр этаплап алып барылачак. Уцн 2.0 программасын тормышка ашыру барышында Татарстан Республикасы шәһәр һәм авыл җирлекләрендә яшәүчеләр арасында цифрлы тигезсезлекне бетерү мәсьәләсе хәл ителәчәк.
Цифрлы тигезсезлекне бетерү программасына (УЦ 2.0) кертү өчен торак пунктлар өчен тавыш бирү кагыйдәләре
1. Тавыш бирү торак пунктларның 2022 елга «Интернет» челтәренә тоташтыру план-графигын (алга таба – исемлек) билгеләү максатларында, халык саны 100 дән 500 гә кадәр булган торак пунктларда яшәүче гражданнарга универсаль элемтә хезмәтләре күрсәтү чарасын гамәлгә ашыру кысаларында үткәрелә.
2. Тавыш бирү 2021 елның 11 октябреннән 15 ноябренә кадәр үткәрелә.
3. Тавыш бирүдә 18 яшькә җиткән Россия Федерациясе гражданнары гына катнаша ала.
4. Үз тавышыңны Россия Федерациясе дәүләт һәм муниципаль хезмәтләрнең бердәм порталында яисә Россия почтасы белән Россия Федерациясенең Цифрлы үсеш, элемтә һәм массакүләм коммуникацияләр министрлыгына түбәндәге адрес буенча җибәрергә мөмкин: 123112, Мәскәү шәһәре, Пресненская набережная ур., 10 йорт. Хатта тавыш бирүченең даими теркәлү адресы һәм тавыш бирелә торган торак пункт булырга тиеш. Хатлардан алынган мәгълүматлар Министрлыкка кергән очракта, тавыш бирү нәтиҗәләрен санаганда исәпкә алыначак.
5. Бер торак пункт өчен генә тавыш бирергә мөмкин. Кабат тавышлар исәпкә алынмаячак. Россия Почтасы аша җибәргән гаризада берничә торак пункт булса, тавыш текстта беренче торган торак пункт өчен исәпкә алыначак.
6. Тавыш бирү процедурасы буенча сораулар килеп туган очракта, махсус булдырылган электрон почта адресына мөрәҗәгать итәргә мөмкин: inet@digital.gov.ru.
7. Россия Федерациясе субъектында урнашкан, тавыш бирүченең яшәү урыны буенча даими теркәлү рәсмиләштерелгән теләсә кайсы торак пункт өчен тавыш бирергә мөмкин.
8. Исемлек төбәк билгесе буенча формалаштырылачак, ягъни торак пунктлар Россия Федерациясенең һәр субъектында халык саны 100 дән 500 гә кадәр булган торак пунктларның гомуми саны нигезендә бирелгән квоталар буенча нигезендә әзерләнәчәк. Татарстан Республикасы буенча шундый 61 торак пункт бар.
9. Халык саны Россия Эчке эшләр министрлыгы мәгълүматлары нигезендә тикшереләчәк.
10. Субъект буенча тавыш бирү нигезендә торак пунктлар квоталарда билгеләнгәннән кимрәк сайланса, Россия Федерациясенең Цифрлы үсеш, элемтә һәм массакүләм коммуникацияләр министрлыгы исемлекне үз теләге буенча тулыландырырга хокуклы.
11. Тавыш бирү нәтиҗәләре һәм йомгаклау исемлеге 2021 елның 24 декабрендә gosuslugi.ru порталында урнаштырылачак.