Син яшәгән, эшләгән урыныңны матурлау, тәртипкә китерү буенча нәрсәләр эшләдең?

Син яшәгән, эшләгән урыныңны матурлау, тәртипкә китерү буенча нәрсәләр эшләдең?
Муниципаль район башлыгы Алмас Назиров 24 майда шәһәрдәге оешмалар, предприятиеләр эшчәнлеге, экология икеайлыгында башкарган эшләре белән танышуны дәвам итте.
“Икстрой” ширкәте районда алып барылган төзелешләргә өлеш кертергә тырыша. Әмма үз территориясендә тәртип юк, монысы төзүчеләрне һич тә бизәми.
Районда чисталык, тәртип урнаштыруда мөһим роль йөкләнгән санэпидстанция, шәһәргә керү юлы буенда урнашкан “Шанс” ширкәте, элеккеге 16нчы ПМК территориясендә эшли башлаган оешмалар адресына да теләкләрен әйтте район башлыгы. Олы юл буенда балкып утырган “Шанс” ширкәтенең соңгы ике–өч елда төсе уңып бара, территориясендәге корыган каеннар бик күңелсез күренеш тудыра.
Район башлыгы карап үткән көнне үк күпчелек урыннарда күрсәтелгән җитешсезлекләрне төзәтергә керештеләр. Элеваторда да хәрәкәт башланды, мәктәпләр бик тырыша. Үзәк китапханә бакчасы нинди матур хәлгә килде! Монда инде ачык китапка кадәр бар.
Шәһәрне бизәүгә “Чәчәк” ширкәте зур өлеш кертә. Бирәзә тау башын, күп катлы йортлар каршыларын карап үтегез әле! Аерым йортларда яшәүчеләр арасында да матурлык тудыручылар аз түгел.
Әйдәгез, һәрберебез әлеге мәкаләнең башын игътибар белән укып чыгыйк та, анда куелган сорауга җавап биреп карыйк. Утырткан агачың кая, ул үсәме?
Районны, шәһәрне яшелләндерүдә урман хуҗалыгы коллективының өлеше гаять зур. Быел урман фондында 111 гектарда агач утырт-тылар, 333 гектарда өстәп утырту үткәрелде. Әле тагын эрозиягә каршы 50 гектарда үсентеләр утыртылды. Арча шәһәрендә быел бер меңнән артык агач утыртылган.
Узган шимбәдә оешма, предприятие-ләр җитәкчеләре белән үткәргән киңәшмәдә муниципаль район башлыгы Алмас Назиров аларның һәркайсында йөреп чыгачагын белдерде. “АСПК” акционерлык җәмгыяте башкаларга үрнәк, алдынгы тәҗрибә мәктәбе булып тора. Шул ук вакытта гыйбрәт ала торган оешмалар да бар. Җитәкчесе нинди — оешмасы шундый.
Беркем дә тирә–юньне пычратырга тиеш түгел. Урын биләүче генә җитәк-челәр дә бар. Аларны тәртипкә чакырырга туры килә.
Ильяс ФӘТТАХОВ