“Татарстан истәлекле тәңкәләрдә” фотокүргәзмәсе.

2022 елның 3 ноябре, пәнҗешәмбе

«Казан арты» тарих-этнография музеенда Россия Банкының “Татарстан истәлекле тәңкәләрдә” исемле фотокүргәзмәсе ачылды.

Россия Банкы чыгарган истәлек тәңкәләрендә Татарстанның бай тарихы, аның территориясендә урнашкан архитектура һәйкәлләре, мөһим вакыйгалар чагылыш тапты.

Мәсәлән, истәлекле тәңкәләрдә Казанның 1000 еллыгы, 2013 елда узган ХХVII Бөтендәнья җәйге универсиадасы, 2015 елда Казанда узган Су спорт төрләре буенча ХVI дөнья чемпионаты һәм башкалар тасвирланган.

Күргәзмә белән 30 ноябрьгә кадәр танышырга мөмкин.