Яңалыклар

ТАТАРСТАН Президенты Рөстәм Миңнеханов Ураза һәм Корбан бәйрәмнәрен үткәрү көннәрен билгеләү турындагы Указга кул куйды. 2013 елда Ураза бәйрәме — 8 августка, Корбан бәйрәме 15 октябрьгә туры килә.

“ВАТАН”, “Татарстан” ширкәтләрендә — 100әр, “Курса МТСы”нда 40 гектарда борчак теземнәргә салынды.

БАРЫСЫ 2590 гектарда җир әзерләнде. Шуның 1070 гектары “Вамин–Арча”, 1000 гектары “Татарстан” шир-кәтләрендә.

РАЙОН буенча бер шартлы терлеккә 12,36 центнер азык әзерләнде. “Ак Барс–агро”да — 21, “Курса МТСы”нда 19 центнер.

ЮЛЛАРДА һәрвакыт уяу булырга кирәк. Кыргый хайваннар белән очрашу хәтәрлеге барлыгын онытырга ярамый. 11 июль-дә, төн уртасында, Яңа Кенәр — Арча юлында җиңел машина шоферы бер пошины бәрдерде. Поши шунда ук җан бирә, машинага да зыян килә. Тиешле тизлекне саклаганда мондый хәл килеп тә чыкмас иде.
Кыргый хайваннар өчен законнар язылмаган. Шоферга пошины һәлак итүдән килгән зыянны түләргә туры киләчәк, ә ул шактый суммага җыела.
Илһам ГАЛИМҖАНОВ,
аучылык буенча
районара бүлек җитәкчесе
16 июльдә ТР авыл хуҗалыгы һәм азык–төлек министрының терлекчелек буенча урынбасары Нәҗип Хаҗипов Арча районы хуҗалыкларында булды.
Ул “Арча” акционерлык җәмгыятенә кергән агрофирмаларның терлек азыгы әзерләү буенча исәп–хисаплары белән кызыксынды. “Курса МТСы”, “Ак Барс–агро”, “Кырлай” ширкәтләрендә фермаларда, җәйләү- ләрдә эшнең оештырылышын карады, сенаж салган урыннарда булды.
17 июльдә районның авыл хуҗалыгы предприя-тиеләрендә урып–җыю чорында имин эшләүгә багышлап “Хезмәтне саклау” көне үткәрелде.

20 июльдә “Арча” спорт комплексында Халыкара шахмат көне уңаеннан районның яшьләр эшләре, спорт һәм туризм бүлеге, мәгариф идарәсе һәм Укучылар сарае районның иң көчле шахматчыларының берсе булган Хәйдәр Һади улы Сафин истәлегенә ачык шахмат ярышы уздыра. Ярышка районның барлык шахматчылары чакырыла. Күрше район шахматчыларының да килүе көтелә.
Уен сәгать 10да башлана.