Тәҗрибә уртаклаштылар

Тәҗрибә уртаклаштылар
Арчада Татарстан Республикасы Хезмәт, мәшгульлек һәм социаль яклау министрлыгының чираттагы киңәшмәсе булды. Утырышны министр урынбасары Азат Габделәхәтов алып барды.
— Мондый чаралар ай саен районнарга чыгып үткәрелә. Бер–берең белән киңәшләшү, тәҗ-рибә уртаклашу бик уңай алым, — диде ул. — Бу юлы киңәшмә психоневрологик интернатлар эшчәнлегенә багышлана. Яңа Чүриледәге психоневрологик интернат 1956 елда ук төзелгән. Әмма, төзеклән-дерелеп, биналары яңар-тылып, хәзер танымаслык хәлгә килде. Тәрбиялә-нүчеләр өчен тудырылган шартлар да әйбәт. Хезмәт терапиясен куллану да үзенчәлекле һәм иң кирәкле юнәлеш. Инвалидлар һәм өлкән яшьтәгеләр йорты буенча да моң–зар белән килгән кеше юк. Менә шуларны башка районнар вәкилләренә дә күрсәтәсе килгән иде.
Кунаклар халыкны социаль яклау идарәсендә, “Өмет чыганагы” балаларны тернәкләндерү үзәген-дә, инвалидлар һәм өлкән яшьтәгеләр йортында, Яңа Чүриледәге психоневрологик интернатта булдылар, аларның эшчәнлекләре белән дә таныштылар.
Киңәшмәнең теоретик өлеше Сикертәндәге мә-дәни–спорт үзәгендә үтте. Район башкарма комитеты җитәкчесе урынбасары Надия Мифтахетдинова районыбыз белән таныштырды.
Яңа Чүриле психоневрологик интернат җитәкчесе Рамил Гарипов интернат эшчәнлеге турында сөй-ләде, анда яшәүчеләр өчен тудырылган уңайлыкларны санап үтте. Территориядә чисталык, тәртип, чәчәкләр, бүлмәләр иркен, якты, уңайлы, кирәк икән бүлмәсендә, тели икән — залда телевизор карарга була, һәр катта төрле спорт уеннары (бильярд, өстәл теннисы) белән шөгыльләнү урыны, мунчасы, ашханәсе бар, туклану да әйбәт.
— Интернатыгыз, чыннан да, бик уңай тәэсир калдырды. Бар да эшләнгән, тәртип салынган. Җитәкчесе дә үз эшенең остасы, тәҗрибәле доктор. Кабул итеп алырлык әйберләр күп, — диде соңыннан Яшел Үзән психоневрологик интернаты җитәкчесе Лариса Ишелина.
Татарстан Республикасы Хезмәт, мәшгульлек, социаль яклау министрлыгы балаларны, өлкәннәрне тер-нәкләндерү үзәкләренә, психоневрологик интернатларга, анда тиешле шартлар тудыруга зур игътибар бирә, төрле эш алымнары куллануны кертергә тырыша, тәҗрибә уртаклашу өчен җитәкчеләрне чит республикаларга җибәрә. Бу юлы Башкортстандагы, Мәскәүдәге психоневрологик интернатларда, халыкара форумда булганнарның чыгышларын тыңладылар һәм бездәге эш алымнары белән чагыштырып, нәтиҗә ясадылар.
Гөлсинә ЗӘКИЕВА