Район башлыгы тренерны һәм таэквондочыларны котлады
“Арча” спорт мәктәбендә таэквондо белән шөгыльләнүче спортчыларның фестивале булды.
Фестивальдә район таэквон-дочыларының барысы да катнашты. Спортчыларны уңышлары һәм аларның тренеры Газинур Борһановны 55 яшьлек юбилее белән котларга район башлыгы Илшат Нуриев килде. Ул тренер Газинур Борһановны юбилее белән котлап, Рәхмәт хаты тапшырды, спортчылары белән район спорт тормышына зур өлеш керткәннәре өчен рәхмәт әйтте һәм исәнлек-саулык, уңышлар теләде. Район таэквондо федерациясе рәисе Илфат Закиров спортчыларга яңа ел бүләкләре тапшырды.
Таэквондочылар спорт бәйрәменә чыгыш ясарга алдан әзерләнделәр. Алар спорттагы осталыкларын күрсәттеләр.
Аларның уңышлары күп. Ярышларда катнашып, медальләрне алып торалар. Молодцы! Газинур һәм Руслан Борһановлар тырыш һәм таләпчән тренерлар. Әти-әниләр аларга бик рәхмәтле. Без тагын бер кат Газинур Юнысовичны юбилее белән котлыйбыз! Кешелекле, таләпчән тренер ул. Исәнлек-саулык, эшендә уңышлар телибез!
Таэквондочыларга яңа елда яңа уңышлар!
Румия Гарифҗанова