Үз идеяләреңә грант алырга өлгер
23 февральгә кадәр ТР Яшьләр министрлыгыннан физик затлар өчен грант конкурсына катнаш! Гомуми фонд 7 млн.сум, һәр җиңүче үз проектына 300 мең сумга кадәр грант ала алачак. Гаризаны 14 номинациядә бирергә мөмкин: иҗат, сәламәт яшәү рәвеше, туризм, патриотик тәрбия, волонтерлык, яшьләр медиасы, гаилә кыйммәтләрен ныгыту, фәнни инициативалар, социаль эшкуарлык, яшьләр арасында тискәре күренешләрне профилактикалау; инвалид яшьләргә һәм сәламәтлек мөмкинлекләре чикләнгәннәргә ярдәм итү, карьера һәм үз-үзеңне һөнәри тормышта табу, мәдәниятара коммуникацияләр һәм милләтара хезмәттәшлек, яшьләргә психологик ярдәм күрсәтү механизмнарын үстерү. Татарстанда яшәүче 18 яшьтән алып 35 яшькә кадәр Россия гражданлыгы булган һәр кеше катнаша ала! Тулырак мәгълүмат белән ТР Яшьләр министрлыгы сайтында танышырга мөмкин Минмолодежи РТ.