сак булыгыз – ялган аракы!

сак булыгыз – ялган аракы!
Сатудагы составына спирт кергән продукциянең сыйфатын тикшерү мәҗбүри.
Алкоголь продукциясен җитештерү, әйләнеше, составындагы этил спирты сыйфаты, сәүдә нокталарында сату, кулланучылар хокукларын яклау-ны контрольдә тоту Татарстан Республикасының Дәүләт алкоголь инс-пекциясенә йөкләнгән. Арча районында моның белән инспекциянең Арча территориаль органы шөгыльләнә. Районда бу эш ничек бара? Соңгы вакытта бик еш телгә алынган ялган аракы сату очраклары бездә дә күзәтеләме? Әлеге сорауларга җавап эзләп без Татарстан Республикасы Дәүләт алкоголь инспекциясенең Арча территориаль органы консультанты Айрат Хәнәфиевка мөрәҗәгать иттек.
—Закон нигезендә Татарстан Республикасында алкоголь продукциясе билгеле бер вакытта, ягъни иртәнге 10нан кичке 10 сәгатькә кадәр генә сатылырга тиеш. Бу закон бездә үтәләме?
—Без мөстәкыйль рә-вештә дә, Россия Эчке эшләр министрлыгының Арча районы буенча бүлеге хезмәткәрләре белән берлектә дә даими рейдлар үткәреп торабыз. 2013 елның 8 аенда бу өлкәдә 9 закон бозу очрагы теркәлде.
— Законны тупас бозучыларга карата нинди чаралар күрелә? Сез аларның исемнәрен атап китә аласызмы?
—Алкоголь продукциясен билгеләнгән вакыттан тыш саткан өчен штраф каралган. Әлеге 9 очракта да закон бозучылар штрафка тартылды. Шәхси эшмәкәрләр Л.Миннебаевага (Арча шәһәре) 4000 сум, Д.Габдрахмановка (Арча шәһәре)— 3000, Р.Абдуллинга (Сөрде)—4000, Ф. Ситдыйковага (Иске Кишет) —4000, А.Хаҗиевага (Курса–Почмак) —1500, Р.Таһировка (Сикертән) — 3000, Х.Николаевага (Сәрдәбаш) 3000 сум, “Кристалл плюс” ширкәтенә (Чулпан авылы) — 3200, “Яңа Кенәр” ширкәтенә (Яңа Кенәр) — 3000 сум күләмендә штраф салынды. Моннан тыш, Ф.Рамазанова шәхси хуҗалыгында өйдә эшлән-гән спиртлы эчемлек сату очрагы теркәлде. Әлеге факт буенча җинаять эше кузгатылды, Россия Федерациясе Җинаять кодексының 238нче маддәсе 1нче бүлеге нигезендә 5000 сум күләмендә штраф билгеләнде.
— Ялган аракы сату очраклары да бармы?
—Татарстан Республикасы Дәүләт алкоголь инспекциясенең Арча территориаль органы тарафыннан шундый бер факт ачыкланды. Кукмара районыннан шәхси эшмәкәр И.Вәлиев сәүдә объектында ялган махсус маркалар белән, кайчан тутырылганын күрсәтмичә һәм товар буенча доку-ментларсыз алты исемдәге аракы табылды. Әлеге факт буенча суд карары чыгарылды, 2000 сум күләмендә штраф билге-ләнде, ялган аракы конфискацияләнде.