Метеорологик күренешләрнең интенсивлыгы турында кисәтү 2024 елның 18-23 апрелендә Татарстан Республикасы территориясендә уртача тәүлеклек температурасы нормадан 9-15° югарырак булган аномаль эссе һава торышы көтелә. Бу чорда һаваның максималь температурасы 19-27°тәшкил итәчәк.
Россия гадәттән тыш хәлләр министрлыгының Татарстан Республикасы буенча Баш идарәсе кисәтә:
Эссе һава торышында тәкъдим ителә:
1. Өйдә салкын һава температурасын саклагыз. Көндез тәрәзәләрне ябыгыз (бар икән, аеруча тәрәзәләр кояш ягына чыкса. Тышта һава температурасы өйдәгегә караганда түбән булганда тәрәзәләрне ачыгыз . Әгәр сезнең торак кондиционер белән җиһазландырылган булса, тәрәзәләрне һәм ишекләрне ябыгыз. Вентиляторлар бераз җиңеллек китерә ала, ләкин һава температурасы 35 градустан артканда, вентилятор җылылык авыруларыннан саклап кала алмый. Күп су эчәргә кирәк.
2. Эсседә калмаска тырышыгыз. Өйдәге иң салкын бүлмәгә күчегез, аеруча төнлә. Әгәр бу мөмкин булмаса, өйдә салкын температураны саклагыз, көненә 2-3 сәгать салкын бүлмәләрдә (мәсәлән, кондиционер белән җиһазландырылган җәмәгать биналарында) үткәрегез. Көннең иң эссе вакытында тышка чыкмаска тырышыгыз. Көчле физик күнегүләрдән сакланыгыз. Күләгәдә калырга тырышыгыз. Балаларны һәм хайваннарны парковкаланган машиналарда калдырмагыз.
3. Тәнегезне артык җылытмагыз, җитәрлек сыеклык эчегез. Салкын душ алыгыз. Шулай ук салкын компресслар яки төрүләр ясарга, дымлы салкын сөлгеләр кулланырга, тәнне салкын су белән сөртергә, салкын аяк ванналары ясарга һ.б. җиңел һәм ирекле табигый тукымадан кием кияргә мөмкин. Урамга чыкканда, киң шляпа яки кепка , яки кояштан саклый торган күзлек киегез. Татлы һәм спиртлы эчемлекләрдән сакланып, эчү режимын саклагыз.
Һәркайсы бәла – каза очрагында сез һәрвакыт «112» бердәм ашыгыч хезмәтләр чакыру номерына мөрәҗәгать итә аласыз. Шалтыратулар тәүлек әйләнәсе шәһәр һәм кәрәзле телефоннардан бушлай кабул ителә.
ТР буенча Россия ГТХМ ДУ" ышаныч телефоны " 8 (843) 288-46-96
https://16.mchs.gov.ru/deyatelnost/press-centr/operativnaya-informaciya/5257748