Фатих Сибагатуллин истәлегенә көрәшчеләр бил алышты

2024 елның 27 апреле, шимбә

Арчаның күренекле улы Фатих Сәүбән улы Сибагатуллин истәлегенә 2009 елгы һәм аннан яшьрәкләр арасында көрәш буенча республика турниры үткәрелде.

“Арча“ спорт комплексында үтте ул. Фатих Сибагатуллин – Арча районының Шәрәфле гражданины, Россиянең атказанган авыл хуҗалыгы хезмәткәре, ветеринария фәннәре докторы, җәмәгать эшлеклесе, сәясәтче, Нурлат районы башлыгы булып эшләгән, ТР авыл хуҗалыгы һәм азык-төлек министры, Россия Дәүләт Думасы депутаты. Җаваплы эшләр башкарган шәхес ул.

Ярышның ачылу тантанасында Фатих Сибагатуллинның гаиләсе белән беррәттән, район башлыгы Илшат Нуриев һәм бик күп мәртәбәле кунак-лар  катнашты. Алар арасында Россия Федерациясе Дәүләт Думасы депутаты Рөстәм Кәлимуллин, Татарстан Республикасы Дәүләт Советы депутаты  Раил Шәмсетдинов бар иде. Алар “Арча“ спорт мәктәбе директоры Рәдис Йосыповка, көрәш тренерлары Фәнил Һидиятуллин һәм Зөлфәт Хәйруллинга Рәхмәт хатлары тапшырдылар.

Татарстан Республикасының көрәш федерациясе башкарма директоры Марсель Таһиров та ярышка бүләкләр белән кайтты.Ул “Арча“ спорт мәктәбенең көрәш тренерлары Рәис Галиевка һәм Илүс Әскәровка татарча көрәшне үстерүгә керткән өлешләре өчен республика көрәш федерациясенең Рәхмәт хатын һәм кул сәгатьләре тапшырды.

Ярышта Арча, Кукмара, Балтач, Саба, Теләче, Биектау, Яшел Үзән, Лаеш районнары һәм Казан шәһәренең  яшь көрәшчеләре катнашты. Көрәш 12 үлчәү категориясендә узды.

Нәтиҗәләр (Арча):

25 кг    1 – Шакиров Раяз (Наласа)

3 – Минзин Данир (АСОШ №6),

Шиһапов Фидан (АГ №5)

28 кг

1 – Гыйләҗетдинов Рамазан (АСОШ №6)

3 – Мөхетдинов Фәнзил (Наласа)

32 кг   1 – Ахунов Самир (АСОШ №6)

3– Әһлиуллин Әмир (Наласа), Әхмәтов Илназ (Түбән Мәтәскә)

36 кг

1 – Фәйзрахманов Аяз (Ашытбаш)

2 – Миннуллин Раяз (Яңа Кырлай)

3 – Әхмәдҗанов Руслан (АГ №5)

40 кг.да җиңүчеләр юк.

45 кг

1 – Искәндәров Ильяс (АСОШ №6)

2 – Мөхетдинов Әнгам (Наласа)

3 – Хәйруллин Айдар (Кәче)

50 кг

3 – Зыятдинов Радил (Иске Чүриле)

55 кг  2 – Нуриев Марат (АСОШ №6)

60 кг 

1 – Галләмов Данил (АСОШ №6)

3 – Азамов Азат (Кәче)

65 кг   3 – Әхмәдуллин Рамил (Кәче)

70 кг

1 – Фәсхетдинов Фәнис (Лесхоз)

80 кг   1 – Йосыпов Илсаф (Лесхоз)

3 – Зыятдинов Алан (Иске Чүриле)

Арча районы көрәшчеләре 1 нче урынны яулады. 2-3нче урыннарда Кукмара, Балтач районнары.