Стоматологка даими рәвештә йөрергә кирәк
"Стоматологка даими йөрергә кирәк, - ди Ләйсән Әхмәтова, Арча район стоматология поликлиникасының балалар стоматологы - үзенең һәрбер кечкенә пациентының ата-анасына. Ул яшь белгеч, Казан дәүләт медицина университетын тәмамлаган, ел ярым инде Арча шәһәрендә стоматолог булып эшли.
Исегезгә төшерәбез, 2023 елда Арча шәһәрендә тантаналы рәвештә «Сәламәтлек саклау» илкүләм проекты кысаларында төзелгән «Арча үзәк хастаханәсе» ДАССОның яңа стоматология поликлиникасы үз ишекләрен ачты. Элек белгечләр авыруларга стоматологик ярдәмне башта поликлиниканың үзендә, ә соңгы елларда 1938 елда аерым торган бинада күрсәттеләр. Бина үзе, кабинетлар, җиһазлар-барысы да искергән һәм ямьсез иде. Хәзер исә яңа, якты, уңайлы стоматология поликлиникасы барлык заманча таләпләргә һәм санитар нормаларга җавап бирә, кирәкле инструментлар һәм өр-яңа җиһазлар белән комплектланган, шул исәптән 6 стоматология җайланмасы, панорама тикшеренүе өчен компакт аппарат, денталь рентген, радиовизиограф бар. Арча районында яшәүчеләр тәҗрибәле стоматолог-белгечләрдән вакытында дәвалану мөмкинлеге алдылар.
Яңа стоматология бинасында «Тылсымлы бүлмә» - балалар бүлеге аерым урын алып тора, анда нәниләргә медицина хезмәтенең тулы комплексы күрсәтелә, ә кабул итүне көткәндә балалар яраткан мультфильмнарын карый һәм уйный ала.
"Мин ел ярым бу өлкәдә эшлим һәм үземнең һәр пациентны яратам. Дәвалану вакытында без алар белән дуслашырга өлгерәбез. Элек Казанда мин өлкән пациентлар белән эшли идем, хәзер исә бу өлкәдә үземне күз алдына да китерә алмыйм. Бездә шундый заманча, матур хастаханәләр барлыкка килүе, пациентларыбызның теш табибларыннан курыкмавы, балаларыбызны сакларга һәм тешләре турында кайгыртырга өйрәнү, һәр ярты ел саен кимендә бер тапкыр стоматологка йөрү гадәте тәрбияләнү бик шәп", - дип үз фикерләре белән уртаклаша яшь белгеч Әхмәтова.
«Сәламәтлек саклау» илкүләм проекты хезмәткә сәләтле яшьтәге халыкның үлем очракларын киметүне, медицина оешмаларында кадрлар кытлыгын бетерүне, барлык гражданнарны профилактик тикшерүләр белән тәэмин итүне күздә тота.Илкүләм проектлар РФ Президенты Владимир Путин карары буенча 2019 елдан гамәлгә ашырыла.