Муниципаль районнар Арча муниципаль районы

Сабак алырмы?

2025 елның 31 гыйнвары, җомга

Россия Федерациясе Конституциясе нигезендә, балалар турында кайгырту, аларны тәрбияләү – ата-аналарның хокукы һәм бурычы.

Балаларның хокукларын яклау дәүләт сәясәтенең өстенлекле юнәлеше һәм алиментлар системасы балаларның милек хокукларын яклауны гарантияләүче механизм булып тора. Әмма бар кеше дә законның әлеге таләпләрен үтәми.

2025 елның 21 гыйнварында Арча район суды үзенең балигъ булмаган ике баласына алимент түләмәгән хатын-кызга карата хөкем карары чыгарды. Ул 2024 елның 17 апрелендә алимент түләмәгән өчен җәмәгать суды тарафыннан административ җаваплылыкка тартылган булган. “Л“га 20 сәгать мәҗбүри эш билгеләнгән, әмма ул аны үтәмәгән. Тиешле нәтиҗә дә ясамаган, игътибарга алырлык сәбәпләр булмауга карамастан, алимент түләмәгән. Закон нигезендә бу берничә тапкыр дип бәяләнә һәм җинаять җаваплылыгына тарту өчен нигез булып тора.

Суд “Л“га хезмәт хакының 10 процентын дәүләт файдасына тотып, 6 айга төзәтү эшләре рәвешендә җәза билгеләде.

Суд карары әлегә законлы көченә кермәгән.

Р.Кәримов,

Арча районы прокуроры,

өлкән юстиция киңәшчесе

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2025 ел

Мондый халыкны җиңеп булмый

26 гыйнварда район башлыгы Илшат Нуриев җитәкчелегендәге гуманитар колоннаны ерак юлга озатып калдык Арчада Ватанны саклаучылар елы әнә шулай зур, тирән мәгънәгә ия булган, патриотик рухтагы чара белән башланып китте. Ул көнне шәһәрнең үзәк мәйданында тугыз машинадан торган колоннаны озату өчен бик күп кеше килде. Халыкның шулай дәррәү кубып, бердәм булып гуманитар ярдәм әзерләүдә катнашуы, аннан хәерле юл теләп озатып калуы күңелләрне нечкәртерлек күренеш. Махсус хәрби операция зонасына гуманитар колонна китәсе билгеле булуга, районның бөтен халкы – олысы, кечесе, баласы-чагасы, бөтен оешмалар, учреждение, предприятиеләр, мәктәпләр, балалар бакчалары, кибетләр, шәхси эшмәкәрләр, мәдәният йортлары, китапханәләр, пенсионерлар һәм ветераннар оешмалары (аерым исемләп әйтү дөрес булмас, чөнки аларны санап бетереп кенә булмый, ә әйтелми калганнарының күңеленә тиюе бар) – барысы да көнне төнгә ялгап эшләде.

Хезмәт кешесенә – хөрмәт

Район башкарма комитеты, мәгариф идарәсе һәм мәгариф хезмәткәрләре профсоюзы арасында яңа өч яклы килешү төзелде Район мәгариф хезмәткәрләре профсоюз оешмасы рәисе Вакыйф Харисов үзенең чыгышын РФ Президенты В. Путин сүзләре белән башлады: “Хезмәт кешесенә хөрмәт, социаль хезмәттәшлек, икътисади бердәмлек – Россия Конституциясенә язылган әһәмиятле кагыйдәләр. Бу кагыйдәләр һәр хезмәт коллективында үтәлергә тиеш. Ә моның өчен хөкүмәт, профсоюзлар, эш бирүчеләр чын партнерлар кебек бергә хезмәттәшлек итәргә тиеш”.

Беренчел бурычыбыз – Ватанны саклау

Шушы араларда Иске Чүриледән Рифкать Вәлишин белән күрешү насыйп булды. Безнең чакыру буенча редакциягә килде ул Бервакыт әтисе Шәүкәт Вәлишин белән улы турында сөйләшеп киткән идек. “Безнең малай махсус хәрби операция барган зонада бит”, – дигән иде ул баласы өчен борчылу катыш горурлану белән. Рифкатьне күрүгә соклануымны яшерә алмадым. Төз гәүдәле, ягымлы, ачык йөзле, итагатьле, аз сүзле, саф татар телендә сөйләшә, кирәклесен генә аңлаешлы һәм үтемле итеп әйтә... Тагын бик күп мактау сүзләре белән башларга булыр иде бу язманы.

Яңасала кая бара?

29 гыйнварда Яңасалага хисап җыелышына киттек. Юлдашларыма бу яклар белән бәйле кайбер истәлекләрне сөйләп бардым ...Мин редакциядә 1973 елның гыйнварыннан эшли башладым. Колхозларда хисап-сайлау җыелышлары башланган вакыт. Миңа Яңасала һәм Каенсар авылларын берләштергән Вахитов исемендәге колхозга барасы. Җыелышта район авыл хуҗалыгы идарәсе җитәкчесе Мәгъсүм Габделхаков катнашасы. Ул минем авылдаш та әле. Аның машинасы белән юлга чыктык. Буранлы көн иде. Беренче көнне партком утырышы булды, колхоз рәисенең кем буласы күптән билгеләнеп куелса да, аны колхоз парткомы расларга (расламый кара!) тиеш. Мәгъсүм абый райком кандидатурасын тәкъдим итте, партком әгъзалары аны бердәм хуплады.

ЯҢАЛЫКЛАРГА ЯЗЫЛУ