2025 елда төзекләндерү өчен парк һәм ишегалларын сайлагыз!
21 апрельдә «Яшәү өчен Инфраструктура» милли проекты составына керүче «Уңайлы шәһәр мохитен формалаштыру» Федераль проекты кысаларында гражданнарның төзекләндерү объектларын сайлау өчен бишенче Бөтенроссия онлайн тавыш бирүе старт алды.
2025 елда Татарстанда яшәүчеләр 2025 елның 30 апреленә кадәр барлык 45 муниципаль районны төзекләндерү өчен иҗтимагый киңлекләр һәм ишегалды территорияләре өчен тавыш бирә ала.
Тавыш бирүдә катнашу өчен:
- gorodsreda.tatar.ru сайтына керергә яисә ТР Дәүләт хезмәтләре порталы аша;
- ЕИА аша яки телефон номеры буенча авторизация узарга;
- тавыш бирүне "Халыктан сораштырулар" бүлегендә табарга.
Тавыш бирүдә Татарстанда 14 яшьтән өлкәнрәк булган һәр кеше катнаша ала. Яшәү урынына карамастан, һәр кеше бер генә тавыш бирә ала.
Шулай ук җәмәгать урыннарында волонтерлар ярдәмендә, «Госуслуги Волонтер» мобиль кушымтасы аша тавыш бирергә мөмкин.
Төзекләндерү волонтерлары махсус мәгълүмат нокталарында, җәмәгать урыннарында һәм массакүләм чараларда эшлиләр, биредә халыкны тавыш бирүдә катнашырга җәлеп итәләр: тавыш бирүгә чыгарылган объектларны күрсәтәләр, территорияләрне сайлауда халык фикерләренең максатларын, бурычларын һәм әһәмиятен аңлаталар. Россиядә 14 яшькә җиткән һәр кеше Волонтер булырга мөмкин. Моның өчен Добро.РФ порталында теркәлү узу да җитә.
Казанның Тышкы төзекләндерү комитетында хәбәр итүләренчә, узган ел Серов урамындагы бульварның икенче чираты һәм зур Чайка күле янындагы территория тавыш бирү лидерлары булган. 2024 елда Татарстан башкаласында барлыгы 7 җәмәгать киңлеге яңартылачак һәм төзекләндереләчәк.