Бурычлар билгеләнде

Бурычлар билгеләнде
28 ноябрьдә “Бердәм Россия” партиясе Арча җирле бүлекчәсенең XXI конференциясе булды. Аны җирле бүлекчә секретаре, муниципаль район башлыгы Алмас Назиров ачты һәм алып барды.
Конференциядә “Бердәм Россия” Бөтенроссия сәяси партиясенең XIV съезды эше йомгаклары һәм партиянең Арча җирле бүлекчәсенең 2014 елга бурычлары турында җирле бүлекчә секретаре Алмас Назиров чыгыш ясады.
Алмас Әминович әлеге съездда үзе дә делегат булып катнашты. Ул съездда ил өчен мөһим мәсьәләләр күтәрелүен әйтеп үтте, киләчәккә өстенлекле юнәлешләр билгеләнде. “Бердәм Россия” идарәче партия буларак үз сүзендә тора һәм алган йөкләмәләрен үти. Икътисадый тотрыксызлык чорында бу аеруча мөһим.
Партия ил Конституциясенең Россияне социаль дәүләт дип игълан иткән төп нормасын тормышка ашыра. Бюджет секторында барыннан да элек укытучылар, табиблар, хәрби, көч структуралары хезмәткәрләренең хезмәт хакларын арттыру буенча киң колачлы йөкләмәләр алынды.
Торак программаларын уңышлы тормышка ашыру нәтиҗәсендә районыбызда торак базары оешты. Бюджет өлкәсендә эшләүчеләр социаль ипотека программасы буенча торак шартларын яхшырту мөмкинлеге алды.
Район икътисадын үстерүдә эшмәкәрлекнең роле арта. Якын киләчәктә кече һәм урта бизнес өчен ташламалар ясауны күздә тоткан закон проектлары әзерләнә. Әмма эшмәкәрлекне үстерү дәрәҗәсе җитәрлек түгел әле, җитештерү белән шөгыльләнүчеләр аз.
Алмас Назиров ирешелгән уңышларны билгеләп үтү белән бергә, алда торган бурычларга да тукталды.
Конференциядә Татарстан Республикасы Дәүләт Советы депутаты, Бөтендөнья татар конгрессы башкарма комитеты рәисе Ринат Закиров чыгыш ясады. Ул арчалыларның төрле тармаклардагы хезмәтен югары бәя-ләде, аларга яңа уңышлар теләде. Бөтен-дөнья татар конгрессы башкарма комитеты 2014 елда Арчада Әлифба бәйрәме үткәрергә җыена.
Конференция делегатлары җирле бүлекчәнең политсоветы составына үзгәрешләр кертте.