Заманча хезмәт һәм ачык шартлар
Татарстаннан контрактчы пилотсыз очу аппаратлары гаскәрләрен ни өчен сайлавы һәм әзерлек ничек узуы турында сөйләде.
Пилотсыз очу аппаратлары гаскәрләре бүгенге көндә хәрби хезмәтнең иң технологик юнәлешләренең берсе санала. Пилотсыз очу аппаратлары операторы хезмәте игътибарлылык һәм җаваплылык таләп итә, шул ук вакытта хезмәт шартлары ачык һәм мәҗбүри укыту каралган.
Контракт нигезендә хезмәт итүче (билгеле сәбәпләр белән бәйле рәвештә исемен атамавыбызны сорады) пилотсыз очу аппаратлары операторы үз тәҗрибәсе белән уртаклашты.
– Ни өчен сез контракт буенча хезмәт итәргә һәм нәкъ менә пилотсыз очу аппаратлары гаскәрләрен сайларга карар иттегез?
– Мине һәрвакыт заманча техника белән эшләү кызыксындырды. Пилотсыз системалар гаскәрләре – бүген актив үсештә булган юнәлеш. Биредә махсус хәрби белем булмаса да, яңа һөнәр үзләштерергә мөмкин.
– Операторларны укыту ничек оештырылган?
– Укыту мәҗбүри һәм ике айдан да ким түгел. Безне пилотсыз очу аппаратлары белән идарә итәргә, җиһазлар белән эшләргә, аларны ничек дөрес кулланырга һәм иминлек кагыйдәләрен үтәргә өйрәтәләр. Барлык этаплар да планлы рәвештә аңлаешлы итеп алып барыла.
– Кайберәүләр контракт хезмәтеннән курка. Сез аларга нәрсә әйтер идегез?
– Пилотсыз очу аппаратлары гаскәрләрендә хезмәт итү турыдан-туры сугышчан бәрелешсез уза. Контракт кимендә бер елга төзелә, шартлар ачык, социаль гарантияләр тулысынча үтәлә.
– Контрактчылар өчен нинди ярдәм чаралары каралган?
– Контракт төзегәндә 2,9 миллион сум күләмендә бер тапкыр бирелә торган түләү каралган. Контракт тәмамлангач, хезмәттән азат ителү гарантияләнә.
Редакциядән: Контракт хезмәте, түләүләр һәм ташламалар турында тулырак мәгълүматны heroes-tatarstan.ru махсус сайтында да табарга, яисә Казандагы сайлап алу пунктына мөрәҗәгать итәргә мөмкин: Аэропортовская урамы, 1/40.
Башка төбәкләрдә яшәүчеләр өчен 8-800-222-59-00 федераль кайнар линиясе эшли.