Кыш бабай җиңүчеләрне бүләкли

Кыш бабай җиңүчеләрне бүләкли
Кремль курантлары уникене сугып, әле яңа гына 2014 елга аяк атладык кебек. Ике атна сизелмичә үтеп тә киткән. Арчалыларны үзәк чыршы кабаттан үз янына җыйды. Бу юлы халык искечә Яңа елны каршы алды.
Районның иң матур чыршысы тирәсендәге әкият шәһәрчеге искиткеч иде. Андагы әкият геройларының кардан ясалган сыннары балаларны гына түгел, өлкәннәрне дә сокландырды. Мәктәпләр, балалар бакчалары, оешма, учреждениеләр тирә–юне дә бу көннәрдә әкият дөньясын хәтерләтте. Үзәк чыршыны ачу тантанасы да бик күңелле үтте. Кич буе халык рәхәтләнеп ял итте, тамаша карады. Мондый күңел ачу Яңа ел төнендә дә иртәнгә кадәр барды.
Искечә Яңа елны каршылау традиция буенча “Кыш—2014” бәйгесендә катнашучыларны һәм җиңүчеләрне бүләкләү тантанасы белән башланып китте. Арча шәһәр Советы башкарма комитеты җитәкчесе Рафил Исмәгыйлев арчалыларны район башлыгы Алмас Назиров, район, шәһәр Советы башкарма комитетлары исеменнән бәйрәм белән котлады, бәйгеләрдә җиңүчеләргә бүләкләр тапшырды.
Үзәк чыршыны ачу тантанасында булган “Яңа ел йолдызнамәсе” иҗади бәйгесендә 12 команда һәр елның символын яклап чыгыш ясады. Бу бәйгедә беренче урын балалар бакчалары һәм мәгариф идарәсе (җитәкчесе Рина Бәдриева) һәм Лилия Гарәфиева шәхси предприятиесе, икенче — 5нче гимназия (Фатыйх Хәкимуллин) һәм “Арча автотранспорт предприятиесе” (Рүзәл Гәрәев), Арча педагогика көллияте (Гөлнара Гарипова) һәм Арча район газ куллану хезмәте (Ринат Гафуров), өченче урын 2нче мәктәп (Рамил Мөхәммәдьяров) һәм Арча ЗУЭСы (Рөстәм Гомәров), Укучылар сарае (Наил Гыйниятуллин) һәм Арча почта бүлекчәсе (Ирек Фәйзрахманов) командаларына бирелде. Җиңүчеләргә дипломнар һәм истәлекле бүләкләр тапшырылды. Җиденче мәктәп (Альмира Гатауллина) һәм “Арча нефть продуктлары” җәмгыяте (Раиф Сибагатуллин) командасы махус бүләккә лаек булды. Бәйгедә катнашкан башка командалар да бүләксез калмады.
“Кышкы әкият—2014” кар сыннары бәйгесендә ел символы атны бизәгән Шушмабаш мәктәбенә диплом һәм махсус бүләк тапшырылды. Җиденче мәктәп, сәнгать мәктәбе, халыкны социаль яклау идарәсе, беренче, 2нче мәктәпләр, 5нче гимназия, педагогика көллияте, социаль белем бирү академиясе, Укучылар сарае, балалар бакчалары, агросәнәгать көллиятенең Арча филиалы коллективлары җиңүче булды. “Жилкомбытсервис” ширкәте (Альберт Хәкимов) үзәк чыршыны бизәгән, “Арча” балалар–яшүсмерләр спорт мәктәбе (Ринат Гәрәев) яңа ел учагын, “Олимп” балалар–яшүсмерләр спорт мәктәбе (Венера Таджибаева) боз шугалагын оештырган өчен махсус бүләк алды.
Иң матур итеп тирә–юньнәрен бизәүчеләр дә бүләксез калмады. “Арча МСО”сы ширкәте (Зиннур Гарифуллин), Арча район электр челтәре (Нияз Нурмөхәммәтов), “Арча автотранспорт предприятиесе” җәмгыяте (Рүзәл Гәрәев), “Арча КСМ”ы ширкәте (Рафаэль Муллагалиев), халыкны социаль яклау идарәсе (Илдус Әһлиев), район Мәдәният йорты (Айрат Нурьязанов), “Арча” балалар–яшүсмерләр спорт мәктәбе (Ринат Гәрәев), мәгариф идарәсе (Рина Бәдриева), Арча үзәк китапханәсе (Лилия Фазылова), беренче, икенче, бишенче балалар бакчалары, дүртенче, җиденче, беренче, икенче мәктәпләр, 5нче гимназия бүләккә лаек булды.
ТМШлар, авыл җирлекләре дә бу эштән читтә калмаган. “Нур”, “Уют” ширкәтләре, Яңа Кенәр, Шушмабаш, Сеҗе авыл җирлекләре иң яхшылар дип табылды.
Сокланырлык әкият шәһәрчеге төзегән Арча район газ куллану хезмәте— беренче (Ринат Гафуров), “Водоканал–Сервис” ширкәте (Тәлгать Миндубаев) — икенче, “Заман” ширкәте (Илнур Яруллин) өченче булды.
Искечә Яңа елны каршы алу бәйрәме җырлар, биюләр, күңел ачулар белән дәвам итте. Анда авыл мәдәният йортлары һәм клубларыннан килгән үзешчәннәр чыгыш ясады. Кыш бабай белән Кар кызы Яңа ел белән котлады, елан дилбегәне 2014 ел символы атка тапшырды. Бу ел һәрберебез өчен уңышлы булсын!
Гөлсинә ЗӘКИЕВА