Фермерлар грант алырга мөмкин

Фермерлар грант алырга мөмкин
Татарстан Авыл хуҗалыгы һәм азык-төлек министрлыгы 2014 елның 9 апреленнән гаилә фермаларын үстерү өчен грант бирүгә конкурс игълан итте.
Аның шартлары һәм катнашу тәртибе белән танышу өчен без район башкарма комитеты җи-тәкчесенең стратегик үсешне координацияләү буенча беренче урынбасары Эльмира Хәстиевага мөрәҗәгать иттек.
— Эльмира Ирековна, әлеге конкурста кемнәр катнашырга хокуклы? Һәм грант нәрсә өчен бирелә?
— Конкурста республика территориясендә теркәлгән һәм эш-чәнлек алып баручы крестьян (фермер) хуҗалыклары катнаша ала. Ул терлекчелек тармагын үстерү өчен бирелә.
КОНКУРС ШАРТЛАРЫ НИГЕЗЕНДӘ ГРАНТНЫ
24 баш савым сыер фермасы;
30 баштан ким булмаган мөгезле эре терлек симертү фермасы;
10 баш ана дуңгызга (50 дуңгыз) исәпләнгән ферма;
100 баш сарык асрала торган ферма;
50 баш савым кәҗәсе асрала торган ферма;
4000 баш бройлер яки 1000 каз фермасы;
20000 бүдәнә (перепелка) фермасы;
2000 баш күркә фермасы;
30 баш ат (20 бия) асрала торган ферма төзергә тотарга мөмкин.
Грант акчасын гаилә фермаларын төзү яки үзгәртеп кору проектларын эшләтүгә; гаилә фермалары төзелеше һәм үзгәртеп кору эшләренә; терлекчелек продуктларын эшкәртү объектларын төзү яки үзгәртеп коруга; терлек торакларын яки эшкәртү объект-ларын яңа техника белән җиһазлауга; терлек сатып алуга тотарга рөхсәт ителә.
— Конкурста катнашу өчен нинди документлар кирәк? Алар кая тапшырыла?
— Конкурс комиссиясенә тапшырылырга тиешле документлар исемлеге Авыл хуҗалыгы һәм азык-төлек министрлыгы сайтында (agro.tatarstan.ru) урнашкан. Гаризалар һәм документлар 2014 елның 8 маена кадәр түбәндәге адрес буенча кабул ителә:
420014, Татарстан Республикасы, Казан шәһәре, Федосеев-ская урамы, 36 йорт. Документлар эш көннәрендә 9 сәгатьтән 16 сәгатькә кадәр кабул ителә.
Конкурска узган фермерлар, министрлыкка чакырылып, комиссия каршында үз бизнес–проектларын яклаячак. Моннан тыш, 10 апрельдән Авыл хуҗалыгы һәм азык-төлек министрлыгы “2012–2014 елларга Татарстан Республикасында эш башлаучы фермерларга ярдәм күрсәтү” программасы кысаларында дәүләт ярдәме бирү өчен конкурс та игълан итте. Гаризалар һәм документлар шул ук адрес буенча 29 апрельгә кадәр кабул ителә. Бу конкурс беренчесеннән аермалы буларак, терлекчелектән тыш, игенчелекне үстерүне дә күздә тота.
Конкурста катнашу процедурасы бик катлаулы булып тоелса да, узган елларда күп кенә фермерлар, конкурсларда отып, сизелерлек күләмдә дәүләт ярдәме алды. Бу хакта без “Арча хәбәрләре” газетасында (2014 ел 5 март) яздык.
Исрафил НАСЫЙБУЛЛИН